تامەزرۆ

دەگریم بەسەر دارو بەردا

بەسەر وشەی دڵشكاوو

لاپەڕەی مات و بێگەردا

شەوەكانیان توند گرێدا

ساتەكانیان جوێ كردینەوە

ژوانگەیان

لەروومەتی هەنگاوەكان سڕییەوە

قوربانەكەی بێ قوربانم

خەویان لەناخم هەڵواسی

دابڕانیان

بەسنگی ژان و

نسارەكان پێ هەڵگرتم

عەشقیان لەلانك دەرهێنا

كۆرپەی دڵمیان

لەبەرۆكی تۆ دابڕی

وشەكانم

بەدووی ماڵاوایی و نامۆییتدا

چەندین هەڵبەستمیان سەربڕی

شەوانی بێ تۆو هۆنراوە

وەكوو دووریت

ژانگەی مردن و

ئەوینن

دەزانی مەلی حەوشەكەم

چەند تامەزرۆن تۆ ببینن

ستار ئەحمەد

دەربارەی CHRA.TV

چراتێڤی.. پێگەیەکى هونەرى و رۆشنبیریى ئەلکترۆنی ئازادو سەربەخۆیە، رۆژانە لەپێناو پەرەپێدانى ئەم بزاوتە لەکوردەواریدا خۆى نوێدەکاتەوەو، با نووسەرانی کوردیش ڕەها بن لە هەربەربەست و سانسۆرێک کە ڕێگرن لە بەردەم تەقینەوەی بەهرەو داهێنانەکانیان. چراتێڤی..هەناسەو نەفەسى هەموو ئەو مرۆڤانەیە دەنگ بوون و دەنگ دەمێنن لەڕوداوە کۆمەڵایەتی و سیاسییەکانی جیهان و کوردستان. لێرەوە رایدەگەیەنین جگە لەو بابەت و بڵاوکراوانەى لۆگۆى چرایان بەسەرەوەیە چرا بەرپرس نییە لەناوەرۆکى بابەت و بڵاوکراوەکان.

وەڵامێک بنووسە