سەرەتا / ئەدەبی / چیرۆک / خەونێکی تری باران

خەونێکی تری باران

نوسینی:عەلی حەمەڕەشید بەرزنجی
.
(باران) ڕۆژانە جانتا قورسە کەی دەکردە شانی و بە دڵخۆشییەوە دەچوو بۆ قوتابخانە،ھەرچەندە قوتابخانەکەشی لە ماڵەوەیانەوە نزیک بوو، بەڵام قورسی جانتاکەی زۆر ماندووی دەکرد و ئازاری پشتی دەدا.شەوێک لە ماڵەوە هەموو پەرتوکەکانی دەرهێنا.و لەگەڵ خۆیدا کەوتە وتووێژ.(باشە من ڕۆژانە ئەم ھەموو پەرتوکە دەبەم ،کەچی ھەریەکەیان یەک لاپەڕەی لێدەخوێنیین، ھەندێک جاریش دایکم یان باوکم لەگەڵمدا دێن و جانتاکەم بۆ ھەڵدەگرن ،ئەوە براکەی دارای ھاوڕێم کە خاوەن پێداویستی تایبەتە ھەموو ڕۆژێک دەبێت کەسێک جانتاکەی بۆ ھەڵبگرێت) باران بیری لە چارەسەرێک دەکردەوە،بەڵام لەبەر ئەوەی کە زۆر ماندوو بوو خەوی لێکەوت،هۆشی هەر لای چارەسەر بوو،بۆیە خەونێکی زۆر خۆشی بینی ،کەلە خەو هەستا خەونەکەی بۆ ئارۆ و دایک و باوکی گێڕایەوە.لەخەونمدا ئەم بەیانییە کە چووم بۆ قوتابخانە جانتاکەم یەک پەڕتوک و چەند تیانوسێکی تێدا بوو،ئەوەندە سوک بوو نەبێتەوە !ئارۆ وتی شتی وا چۆن دەبێت؟! باران بە پێکەنینەوە وتی چۆن نابێت بەشی یەک مانگ خوێندنی ھەر وانەیەک لە یەک پەرتوکدا کۆکرابووەوە و مانگانە پەرتوکی نوێمان وەردەگرت ،ئارۆ وتی ئای کە خۆشە ئەو خەونە خۆشەت بێتە دی.
٢٠١٩/٩/٢٦
بیرۆکەی ئەم چیرۆکە لە ئینتەرنێتەوە وەرگیراوە…

دەربارەی عەلی حەمەڕەشید بەرزنجی