سەرەتا / ئەدەب / زەنگیانەی ئاویی

زەنگیانەی ئاویی

( ڕستی دوانزەهەم)

 

( ساویلکە)

سەد ھێندەی دڵم شكاوە

دڵنەوایی خەڵكم کردوە و

دڵم ڕاگرتوون

چش

دەبا ھەر پێمبڵێن ساویلكەی.

( نازانم )

نیوەی ئەو تەمەنەی ماومە

دەیبەخشم بەکەسێك

زەردەخەنە بگەڕێنێتەوە

سەر لێوانم..

ساتە ناساتێ. پێکەنینم دێت،

وەلێ نازانم

بەخۆم پێدەکەنم

یا بەژیانی موسەیەرم.

( جگەرە و کۆتر )

خۆشییەکی سەیر دامدەگرێت

کەلەپەنجەرەی هۆڵەکەمەوە

دان دەدەم بەباڵندەو

مژی قوڵ لەجگەرەکەم دەدەم،

گەر بۆمبکرایە.. لەگەڵ چنینی

هەر دەنکە دانێکدا..

مژێکم لەجگەرەکەم دەدا.

( چێژفرۆش )

چێژفرۆشان

بەتایم  کار دەکەن

کاتێ کە کاتیان تەواو دەبێ

لە سیاسییە گەندەڵەکان

زیاتر،

چێژ لە ژیان دەبینن.

( قاسپەی کەو )

بەقیڕەی قەلەڕەش

پەست دەبم،

وەلێ

ئەو دەمانەی تەنهام

لێمدەبێتە قاسپەی کەو.

( ژمارە سێ )

جوانترین ژمارە( سێ) یە

دایك

خوشك

خۆشەویست..

هەش بەسەرم،

لەهەرسێکی بێبەشم.

 

فەتاح حەسەن

دانیمارك/ ڤالبی

دەربارەی CHRA.TV

چراتێڤی.. پێگەیەکى هونەرى و رۆشنبیریى ئەلکترۆنی ئازادو سەربەخۆیە، رۆژانە لەپێناو پەرەپێدانى ئەم بزاوتە لەکوردەواریدا خۆى نوێدەکاتەوەو، با نووسەرانی کوردیش ڕەها بن لە هەربەربەست و سانسۆرێک کە ڕێگرن لە بەردەم تەقینەوەی بەهرەو داهێنانەکانیان. چراتێڤی..هەناسەو نەفەسى هەموو ئەو مرۆڤانەیە دەنگ بوون و دەنگ دەمێنن لەڕوداوە کۆمەڵایەتی و سیاسییەکانی جیهان و کوردستان. لێرەوە رایدەگەیەنین جگە لەو بابەت و بڵاوکراوانەى لۆگۆى چرایان بەسەرەوەیە چرا بەرپرس نییە لەناوەرۆکى بابەت و بڵاوکراوەکان.