سەرەتا / ئەدەب / هۆنراوە / ساڵی نوێ

ساڵی نوێ

دڵكەش قادر

لە ساڵی نوێ دەرگاكانی ھاتن قفڵ مەكە

لە گۆشەیەكی دیكەوە 

لە پەنجەرەیەكی دیكەوە

ناتوانم سەیری ڕووناكی كەم

ناتوانم لە ڕوو لە تیشكێكی دیكە كەم

كاتێ سەراسیمای تۆمە.

لە ساڵی نوێدا ناتوانم خەون بە تۆوە نەبینم

من لە ھەمووجێما تۆ

تۆ لە ھەموو جێتا من قفڵكراوم.

ساڵێكی دیكەش بڕوا 

من ھەر لە خەیاڵی تۆدا یارییەكی منداڵانە دەكەم.

دەلاقەكانی ھاتن دامەخە

من سەر بە تەریقەتی عیشقم

لە بەرقاپی خانەقای مەولا سەرەتاتكێی بینینی دوا تابلۆی نیگای تۆم

شوێن تا ئەوجی بیركردنەوە كڵۆڵ

تاكشانی ئێوارە سێبەری سنەوبەرێكی تەڕ.

لە ساڵی نوێدا 

من تاسووخێكی نایابم بە دیار وێنەكەتەوە دانیشتووم

تا ڕژانی خەیاڵ

كات بە كەڵكی بێدەنگی نایەت

من بڵێسەم دێ لە قسە و

ھاژەم دێ لە ڕژانی جوانی

ئەگریجەم لە تابلۆیەكت بئاخنە و

بۆ تێپەڕینی ترپەیەك لە ساڵی نوێدا

سڵاوێك بنێرە.

سلێمانیی

دڵكەش قادر

دەربارەی CHRA.TV

چراتێڤی.. پێگەیەکى هونەرى و رۆشنبیریى ئەلکترۆنی ئازادو سەربەخۆیە، رۆژانە لەپێناو پەرەپێدانى ئەم بزاوتە لەکوردەواریدا خۆى نوێدەکاتەوەو، با نووسەرانی کوردیش ڕەها بن لە هەربەربەست و سانسۆرێک کە ڕێگرن لە بەردەم تەقینەوەی بەهرەو داهێنانەکانیان. چراتێڤی..هەناسەو نەفەسى هەموو ئەو مرۆڤانەیە دەنگ بوون و دەنگ دەمێنن لەڕوداوە کۆمەڵایەتی و سیاسییەکانی جیهان و کوردستان. لێرەوە رایدەگەیەنین جگە لەو بابەت و بڵاوکراوانەى لۆگۆى چرایان بەسەرەوەیە چرا بەرپرس نییە لەناوەرۆکى بابەت و بڵاوکراوەکان.