سەرەتا / ئەدەب / هۆنراوە / سووڕانەوە

سووڕانەوە

 

سەردار جاف

لە خولگەی خەم قورتار نابم

ڤالانتاين

دەسرازەی سێ پای جەڕاندووم

ڕامدەژەنێ

پەری لێم بووە سوژن و

مژدەی کاڵباکن نابەخشێ

خەم ژانمە و

لە تاریکی تێمدەژەنێ

بە گێلاخەی زرێبارا هەڵواسراوم

بە نێو چەمی سوورباويا

نغرۆی ساتی غەفڵەتم بوو

بە سێ زێ دا

بەرەو مەنفا شۆڕبوومەوە

دڵويستێکی پەرۆشاوی

لە ساراوە چاوساغی رێی هەڵەتم بوو

لە ئازاری دوێنێم دەگەن

دوێنێی سێ خولگە پێش ئێستا

بە سەر ڕۆحی مردووێتیما دادەچۆڕا

خەو شەرابی نارنجی بوو

خەون سەرابێکی سەخت و

لێو لە بادە شێوارە بوو

مەستبوون مەست بوو

ساقی بە جامی پڕەوە لێم دەتۆرا

هەنگاوە لەرزەی ڕێگەمە

گيسن ئاسمانی پڕ خۆر و

گێنگڵمە …… لە سۆراغی

سۆراغی بادەی پڕ لە مەی

حەرفێ ژێوانی قەڵەمە

بەرەو خەرەند خۆی دەنووسی

نها سەرەتاتکێی ئۆخەی

 

 

 

ئەڵمانيا

١٤ / ٢ / ٢٠٢١

 

 

 

دەربارەی CHRA.TV

چراتێڤی.. پێگەیەکى هونەرى و رۆشنبیریى ئەلکترۆنی ئازادو سەربەخۆیە، رۆژانە لەپێناو پەرەپێدانى ئەم بزاوتە لەکوردەواریدا خۆى نوێدەکاتەوەو، با نووسەرانی کوردیش ڕەها بن لە هەربەربەست و سانسۆرێک کە ڕێگرن لە بەردەم تەقینەوەی بەهرەو داهێنانەکانیان. چراتێڤی..هەناسەو نەفەسى هەموو ئەو مرۆڤانەیە دەنگ بوون و دەنگ دەمێنن لەڕوداوە کۆمەڵایەتی و سیاسییەکانی جیهان و کوردستان. لێرەوە رایدەگەیەنین جگە لەو بابەت و بڵاوکراوانەى لۆگۆى چرایان بەسەرەوەیە چرا بەرپرس نییە لەناوەرۆکى بابەت و بڵاوکراوەکان.