نــوێ
سەرەتا / ئەدەب / هۆنراوە / كچە قەرەجێ

كچە قەرەجێ

هاوار ته‌یب

دوێ ئێوارە، كچە قەرەجێ بۆی نووسیم:

ئێوارەباش كوڕەڕەنگ گەنمییەكەی نیشتمان،

من لێرە خەریكی كۆكردنەوەی پاروویەك نان و

كەمكردنەوەی ئازاری برسێتیم.

بۆم نووسی:

ئێوارەباش شاجوانی نیشتمان ،

تۆ گوڵێكی لە سەر ئازاری نیشتمان.

ئێوارەیەكی درەنگوەختی

لە كایەی ژیان

تۆ لەو خەونانەی كە ھەرگیز ئاوا نابن

كچێ بە دوو چاوی ڕەشەوە

خەریكی پڕكردنی ڕەنگە خۆڵەمێشییەكەی ژیانە و

ھیوا لە سەر زمانی كچانی نیشتمان دەچێنێ.

كچێ خەریکە

 بە دوو دەستی پڕ لە برینەوە

ڕابردوو و مەرگ

بە یەكەوە بخاتە زیندانەوە.

 

ڕانیه‌

هاوار ته‌یب

دەربارەی CHRA.TV

چراتێڤی.. پێگەیەکى هونەرى و رۆشنبیریى ئەلکترۆنی ئازادو سەربەخۆیە، رۆژانە لەپێناو پەرەپێدانى ئەم بزاوتە لەکوردەواریدا خۆى نوێدەکاتەوەو، با نووسەرانی کوردیش ڕەها بن لە هەربەربەست و سانسۆرێک کە ڕێگرن لە بەردەم تەقینەوەی بەهرەو داهێنانەکانیان. چراتێڤی..هەناسەو نەفەسى هەموو ئەو مرۆڤانەیە دەنگ بوون و دەنگ دەمێنن لەڕوداوە کۆمەڵایەتی و سیاسییەکانی جیهان و کوردستان. لێرەوە رایدەگەیەنین جگە لەو بابەت و بڵاوکراوانەى لۆگۆى چرایان بەسەرەوەیە چرا بەرپرس نییە لەناوەرۆکى بابەت و بڵاوکراوەکان.