سەرەتا / ئەدەب / ڕۆژژمێری بەخت.. شادی بەکر

ڕۆژژمێری بەخت.. شادی بەکر

ئەمرۆ لە ڕۆژەکانی تر
رۆژمێری بەخت و هيوام شۆختر ديارە
نازئەکا بەسەر رۆژ و مانگ و وەرزدا
ئەمرۆ جێ نشینی خۆری و ،تاتۆنەیەی ئاوانابێت
گوێم لەترپەی دلی خۆمە
دەنگی ھەنگاوی پێڵاوت
بۆ ناخم ئەگوازێتەوە
دەوەرەوەو
قژی ئاڵۆسکاوی شيعر و
رەنگی سیای ھەوری بەخت و
شەستە بارانی عەشقمە
باڵای بەرزی ڕوباری خۆشەویستیمان
با ببینیت
ئەمرۆ وەرەو بەر لەوەی رۆحـم ئاوابێ
تۆدەرکەوە
وەرە بۆ تەنهاجارێکیش
بەرچنەیەک ماچی وشک و ،
چارۆکەیەک موحیبەتی تینوێتيم بۆبھێنەوە
ھەموشتێ بەش بەش بکە
ماچی تەرەت با بۆ ئەوبێ
ئەرێ ھەناسەی تۆم بەسە
بالات بۆئەو سێبەرەکەت بۆ من کەسە
دلت بۆ ئەو موحیبەتت بۆ من چەتری هەردوو دەسە
سەرت بۆ سەر قۆلی ئەو بێ، خەیاڵت لای يادەوەریم و هەناسە
تۆ وەرەوە
وا خەریکەلەچاوەروانی ھاتنەوەت وشک ئەبم
ئەگەر ویستت یەک بەیەکی پیتەکانی هەموو جەستەم لێکەرەوە
بيکە بەپەتی ھۆنراوەیەکی خەمناک
منیش لەتام وپۆکەیدا
سەرخەوی ئەوين ئەشکێنم
زۆر ئەترسم رۆژێ دابێ ،حیکایەتی دابرانمان پێ بنوسیيەوە
کاتێ دواجار
ئەو رۆحەی بۆ ژوانێ بە منت سپارد
بینێرمەوە

سلێمانی
٢٠٢١/١١/١٦

دەربارەی CHRA.TV

چراتێڤی.. پێگەیەکى هونەرى و رۆشنبیریى ئەلکترۆنی ئازادو سەربەخۆیە، رۆژانە لەپێناو پەرەپێدانى ئەم بزاوتە لەکوردەواریدا خۆى نوێدەکاتەوەو، با نووسەرانی کوردیش ڕەها بن لە هەربەربەست و سانسۆرێک کە ڕێگرن لە بەردەم تەقینەوەی بەهرەو داهێنانەکانیان. چراتێڤی..هەناسەو نەفەسى هەموو ئەو مرۆڤانەیە دەنگ بوون و دەنگ دەمێنن لەڕوداوە کۆمەڵایەتی و سیاسییەکانی جیهان و کوردستان. لێرەوە رایدەگەیەنین جگە لەو بابەت و بڵاوکراوانەى لۆگۆى چرایان بەسەرەوەیە چرا بەرپرس نییە لەناوەرۆکى بابەت و بڵاوکراوەکان.