نــوێ
سەرەتا / ئەدەب / ڕۆژ و شەوی عیسا

ڕۆژ و شەوی عیسا

براوەی خەلاتی باشترین چیرۆکی دووەمین فێستیوالی چیرۆکی هاژه

ئازاد عەزیزی

لە ژوورەکەدا هەموو خەوتبوون، تەنیا ئەو بوو خەوی لێ نەدەکەوت و هەر لەسەر جێگاکەی جینگڵی دەدا، ئەمە یەکەم جار بوو ئەو خولیا پیسە ئاوا سەخت دایگرتبوو، لەسەر پاتۆڵەکەیەوە دەستێکی پێدا هێنا هەستی کرد ڕەق‌تر و زل‌تر بووە.

پەیتا پەیتا وێنەی دەموچاو و قسەکانی ئەمڕۆی ماریا (کچی جیرانەکەیان) دەهاتە بەرچاوی. ئێوارێ کاتی خوێندنی دەرسەکانیان بۆ ماریای گێڕابووەوە و ماریا حوکمی لێ کردبوو دەبێ نیشانی بدات، مردوو ژیاوە تا نیشانی دا.

لە ژووەرەکەدا هەموو خەوتبوون، تەنیا ئەو بوو خەوی لێ نەدەکەوت و هەر لەسەر جێگاکەی جینگڵی دەدا، پەیتا پەیتا وێنەی ئەو شوێنەی عیسا دەهاتە بەرچاوی، بیری دەکردەوە ڕەنگە هەموو پیاوێک شوێنێکی وای هەبێت. سبەینێ حوکمی لێدەکەم بهێڵێ دەستێکی لێ بدەم.

عیسا نەیدەزانی زڕدایکی نەخەوتووە بە چاوەکانی کە پڕن لە چێژێکی شەیتانی ئاگاداری کارەکانییەتی. لێفەکەی تەواو بە سەری خۆیدا دا، پاتۆڵەکەی تا ژێڕ چۆکی هێنایە خوارێ، بڕێکی تف کردە نێو مستی، (زڕدایکی گۆی لە هانکە هانکی عیسا بوو)…

ئاخێکی ڕەها لە دڵی هەستا… ئاوێکی لینچق ڕژا سەر ڕانی لە ناکاو زڕدایکی هەستا و وەک ئوەی دزێکی گرتبێ بە ڕقەوە لێفەکەی لەسەر عیسا حەوا دا.

سۆرایی خوێنێکی لێڵ ڕانی عیسای داپۆشیبوو.

– هۆی پیاوەکە هەستە … ئەو نانەجیبە ئاخری لووەکەی پەنا چۆکی هەڵقەند.

 

 

دەربارەی CHRA.TV

چراتێڤی.. پێگەیەکى هونەرى و رۆشنبیریى ئەلکترۆنی ئازادو سەربەخۆیە، رۆژانە لەپێناو پەرەپێدانى ئەم بزاوتە لەکوردەواریدا خۆى نوێدەکاتەوەو، با نووسەرانی کوردیش ڕەها بن لە هەربەربەست و سانسۆرێک کە ڕێگرن لە بەردەم تەقینەوەی بەهرەو داهێنانەکانیان. چراتێڤی..هەناسەو نەفەسى هەموو ئەو مرۆڤانەیە دەنگ بوون و دەنگ دەمێنن لەڕوداوە کۆمەڵایەتی و سیاسییەکانی جیهان و کوردستان. لێرەوە رایدەگەیەنین جگە لەو بابەت و بڵاوکراوانەى لۆگۆى چرایان بەسەرەوەیە چرا بەرپرس نییە لەناوەرۆکى بابەت و بڵاوکراوەکان.