ماسی

فەرهاد ئەحمەد بەرزنجی

دوێنێ لەماڵی پورم

لەگەڵ بانو شادویاد

کاتی خۆشمان بەسەربرد

بەئێکس بۆکس و ئایپاد

 

ئینجا(بانو)بردینی

بۆلای حەوزی ماسییەکان

زانیاری زۆری پێداین

لەسەر ژیان و جۆریان

 

ڕەنگیان پرتەقاڵی و سور

زۆردڵگیربوو دیمەنیان

دیاربوو یارییان دەکرد

بەکلک و باڵ و سەریان

 

لەدڵی خۆمدا دەمووت

خۆزگە منیش هەمبوایە

حەوزێکی ماسی وەها

لەژوورەکەم دامنایە

 

ئای چەندە دڵم خۆشبوو؟!

پورم هات دەم بەخەندە

وتی دوان لەو ماسییانە

دیاری من بۆ (لاوەند)ە

دووماسی بۆکردمەناو

دەفرێکی شوشەی پڕئاو

منیش بڕیارمداوە

خزمەتیان بکەم وەک چاو۰

دەربارەی CHRA.TV

چراتێڤی.. پێگەیەکى هونەرى و رۆشنبیریى ئەلکترۆنی ئازادو سەربەخۆیە، رۆژانە لەپێناو پەرەپێدانى ئەم بزاوتە لەکوردەواریدا خۆى نوێدەکاتەوەو، با نووسەرانی کوردیش ڕەها بن لە هەربەربەست و سانسۆرێک کە ڕێگرن لە بەردەم تەقینەوەی بەهرەو داهێنانەکانیان. چراتێڤی..هەناسەو نەفەسى هەموو ئەو مرۆڤانەیە دەنگ بوون و دەنگ دەمێنن لەڕوداوە کۆمەڵایەتی و سیاسییەکانی جیهان و کوردستان. لێرەوە رایدەگەیەنین جگە لەو بابەت و بڵاوکراوانەى لۆگۆى چرایان بەسەرەوەیە چرا بەرپرس نییە لەناوەرۆکى بابەت و بڵاوکراوەکان.

هەروەها ببینە

دارتـوو

عەلی حەمەڕەشید بەرزنجی مــــنم نـــاوم دار تــــــــووە ســـەیری چـــەند(توو)م گــرتووە بــــۆ ئێوە منــــــــــــداڵینە خــــواردنم زۆر …