موژدە

سەردار جاف
تۆ خەرەندی کام شکۆفەی
لە چ دەروازەی باخچەیەک
حەیرانەکەی سەرزارانی
رووحی پەریت
بە تەوراتی مەسیحایی پڕ بۆن بووە
لە کام شەنگەگوڵی باغان
لە ترۆپکی و
ئەو سەرکز و بێ دەرەتان
بۆت لە کار بوو
جوانی بە سیمات بەخشیووە
کام خوای ئاکار
لە بازاڕی بێ تەریقەت ، سەرگەردانە
کەچی بۆ خۆی
پاکی بە ناخت بەخشیووە
کام سنەوبەری باڵا دوند
نوێبوونەوەی فڕێداوە و لە خەمزەدەی ڕۆژگاردایە
باڵای بە باڵات تەنیووە
چرۆت لە کام باغی ئیرەم چڵەحۆری دابەستووە و
بە دەم ڕێوە
دڵی چەنی وەکو منی پێ بڕیووە
ئەم سادەیی و بەرائەتەت
خۆرسکی یە
یا بۆ زەمەنێ خەمڵیووە
ئەڵمانیا
٢٩ / ١٠ / ٢٠١٨

دەربارەی CHRA.TV

چراتێڤی.. پێگەیەکى هونەرى و رۆشنبیریى ئەلکترۆنی ئازادو سەربەخۆیە، رۆژانە لەپێناو پەرەپێدانى ئەم بزاوتە لەکوردەواریدا خۆى نوێدەکاتەوەو، با نووسەرانی کوردیش ڕەها بن لە هەربەربەست و سانسۆرێک کە ڕێگرن لە بەردەم تەقینەوەی بەهرەو داهێنانەکانیان. چراتێڤی..هەناسەو نەفەسى هەموو ئەو مرۆڤانەیە دەنگ بوون و دەنگ دەمێنن لەڕوداوە کۆمەڵایەتی و سیاسییەکانی جیهان و کوردستان. لێرەوە رایدەگەیەنین جگە لەو بابەت و بڵاوکراوانەى لۆگۆى چرایان بەسەرەوەیە چرا بەرپرس نییە لەناوەرۆکى بابەت و بڵاوکراوەکان.

هەروەها ببینە

بۆرژان

١.خۆر  گیرفانەکانی لەپاڵتۆی  ڕووناکی خاڵی دەبن   تارمایی ڕوانینەکان  لە برژانگەکانی ڕێگە دەشۆیتەوە، وەکو پرسی …