سەرەتا / ئەدەبی / هۆنراوە / کاڤاری بەخت

کاڤاری بەخت

سەردار جاف
ئەڵمانیا
لە قامەتی کام غەدرەوە ھەڵھاتیت و
لە کام ڕستەی شەڕانگێزی
ھەڵقوڵاوی
چەپۆکت بە سەر دڵی سپیما کیًشا
لە کام ھەواری گێژەڵوکە
فیراقی خۆت نوسییەوە و تێم ئاڵاوی
دەمژاکێنی
لە کام فیردەوسی وەھمەوە ئاوابوون ئۆغر پێ دەکەی
نیگاکانم تەڵخ دەکەی
لەم ژوانی بەرکۆژەیە
تۆیش ھەروەک من دڵت ئێشا
دەوەرەوە و
لەم ناوەختە ببە فنجانە قاوەکەی نێو دەستم و
پەنجەکانم بلەرزێنم
با مەرامت بخوێنمەوە
لە غەفڵەتیم مەئاڵێنە
مەی وڕ و کاسی نەکردووم
ئەوە ترپەی وشە ناوازەکانتە ختوکەی بێھۆشیم دەدا
بەرەو مەستبوون ملی رێگای ئاشق بوونم پێ دەگرێ
ئەمە چ ئیشقێکی نوێیە بە گەردنمەوە دەئاڵێ
ئاونگ ئاسا
لە بەر نیگام ڕۆیشتوویت و لێم یاخی بووی
لە جاڵجاڵۆکەی بیلبیلەم خۆ ون دەکەی
ناتبینمەوە
حەزەکانت بوونە شەپۆل وەکو ئیجە
پێم نەوێران
لە کام تخوبی سیحرەوە ڕێت بەرەو شاری دڵم گرت
لە جۆلانەی ھزریشمدا ، ھزر خوێنی ….؟
لە کاقاری بەختمەوە سەرەتاتکێم لە تەک دەکەی
چاوەکانم
لە پیاسەی لەشی خاوت خۆ ون دەکا
نازانم لە کام ھەوارت
بارگەی دەخا
چیرۆکی قاوە تاڵەکان
بە دەم ماچی
عەترە شیری ھەنگوینیتا
بۆ لای مەی و خەیاڵ دەمبا

٥ / ١٠ / ٢٠١٩

دەربارەی CHRA.TV

چراتێڤی.. پێگەیەکى هونەرى و رۆشنبیریى ئەلکترۆنی ئازادو سەربەخۆیە، رۆژانە لەپێناو پەرەپێدانى ئەم بزاوتە لەکوردەواریدا خۆى نوێدەکاتەوەو، با نووسەرانی کوردیش ڕەها بن لە هەربەربەست و سانسۆرێک کە ڕێگرن لە بەردەم تەقینەوەی بەهرەو داهێنانەکانیان. چراتێڤی..هەناسەو نەفەسى هەموو ئەو مرۆڤانەیە دەنگ بوون و دەنگ دەمێنن لەڕوداوە کۆمەڵایەتی و سیاسییەکانی جیهان و کوردستان. لێرەوە رایدەگەیەنین جگە لەو بابەت و بڵاوکراوانەى لۆگۆى چرایان بەسەرەوەیە چرا بەرپرس نییە لەناوەرۆکى بابەت و بڵاوکراوەکان.

هەروەها ببینە

کێ هەیه ئەم منداڵه نە ناسێ

#هاوار_تەیب ئەم منداڵه نە ناسراو نییه لەم کەونەدا گەڕیدەکە هەر ڕۆژەی له شارێكە ڕۆژێک لە …