سەرەتا / ئەدەبی / هۆنراوە / کیژی نەورۆز

کیژی نەورۆز

هۆمەر نۆریاویی

بە بەرزیی “شاهۆ”بەفر باریوە

هەورامان بەرگی بووکی پۆشیوە

بڕوانە “تەتە”، “داڵانی”،”ڕشکاو”

ئەگێڕن بەزمی شایی تا “ئێڵاو”

هەموو پێکەوە هەڵپەڕکێیانە

ئەبەخشن مژدە بەم کوردستانە

ئەڵێن: دە ڕابن ،خەڵکە بەهارە

شایی مەزنتر، چاو ئینتیزارە

ئەمساڵ بەهارمان سەدڕەنگ ئەنوێنێ

کیژی نەورۆزیش خۆی ئەخەمڵێنێ

ئەڵێ: خەم لاچۆ،بەسیەتی ئازار

ئەمڕۆ نا ،سبەی،هەر دەبین ڕزگار

 

وشەیەک: ئەو چەند ناوەی لە نێو جووت کەواندا هاتوون،ناوی چەند لووتکە و چیایەکی سەرکەشی هەورامانن.هەروەها تابلۆ هونەرییەکە،بەرهەمی شێوەکاری بەناوبانگی کورد “ڕێبوار سەعید”ە.

دەربارەی CHRA.TV

چراتێڤی.. پێگەیەکى هونەرى و رۆشنبیریى ئەلکترۆنی ئازادو سەربەخۆیە، رۆژانە لەپێناو پەرەپێدانى ئەم بزاوتە لەکوردەواریدا خۆى نوێدەکاتەوەو، با نووسەرانی کوردیش ڕەها بن لە هەربەربەست و سانسۆرێک کە ڕێگرن لە بەردەم تەقینەوەی بەهرەو داهێنانەکانیان. چراتێڤی..هەناسەو نەفەسى هەموو ئەو مرۆڤانەیە دەنگ بوون و دەنگ دەمێنن لەڕوداوە کۆمەڵایەتی و سیاسییەکانی جیهان و کوردستان. لێرەوە رایدەگەیەنین جگە لەو بابەت و بڵاوکراوانەى لۆگۆى چرایان بەسەرەوەیە چرا بەرپرس نییە لەناوەرۆکى بابەت و بڵاوکراوەکان.

هەروەها ببینە

بۆ هەڵەبجە

دیسان واشانزەی سێیە یادی هەڵەبجەکەمە شاربەجارێ ڕەشپۆشن هەموودڵپڕ لەخەمه. *** جیهان ئەمڕۆ،ڕووگیرە بۆڕۆژێکی مێژوویی یادی …