Chra.tv - A Different Media - میدیای جیاواز

نازێ لەرێگەی هونەرەوە هەستی مرۆڤانەی خۆی دەردەبرێـت

هەولێر/زریان خەتاب :  لەپێناو خزمەتکردن بە مرۆڤایەتی و ئاوردانەوەیەک لە ژنان و هەست کردن بە ئێش و ئازەرەکانی ژنانی بەندکراو،هونەرمەند نازێی ئەزیزی پرۆژەیەکی کۆنسێرتکردنی گۆرانی بۆ ژنانی بەنکراو لە بەندیخانەکانی کوردستانسازدەکات،داهاتی نوێترین ئەلبوومی خۆشی کەوابریارە لە ئایندەیەکی نزیکدا بڵاوبکرێتـەوە پێشکەش بە ژنانی بەندکراو دەکات.

بۆ ڕاگرتنی درامای بێریڤان !

ده‌سته‌ی به‌رهه‌ڵستکاری دژ به‌ درامای بێریڤان ! : درامای بێریڤان و سوکایه‌تی کردن به‌ کورد، داوا له‌سه‌رجه‌م خوێنه‌رو ڕۆشنبیرانی کوردانی ده‌ره‌وه‌ و ناوه‌وه‌ی کوردستان ده‌که‌ین پشت گیرمان بن بۆ هه‌ڵمه‌تی ڕاگرتنی ئه‌و ماردینه‌ی که‌ زنجیره‌ درامای ( بێریڤان ) باسی ده‌کات ئه‌و ماردینه نیه‌ که‌‌  که‌ وه‌ک خۆی بیستراوه‌ به‌ڵکو پێچه‌وانه‌ کراوه‌، له‌ڕوی حه‌قیقه‌ته‌وه‌  شێوێنراوه‌، یاخود به‌د نیشان کراوه‌

نه‌رویج؛ رۆژێكى به‌كه‌لتووری كورد به‌خشى

نه‌رویج-گه‌ڵاڵی : به‌ مه‌به‌ستی به‌هێزکردنی په‌یوه‌ندی کلتووری نێوان گه‌لان و ناساندنی کلتورو دۆزی کوردی به‌ گه‌لانی دونیا، سه‌عات 12 ى نیوه‌ڕۆی رۆژی 28/8 له‌گۆڕه‌پانی ڤاترلاندس پارك له‌ئۆسلۆی پایته‌ختى نه‌رویج، یه‌که‌م فێستیڤاڵى کلتووری رۆشنبیری کوردی به‌ڕێوه‌چوو.
ئه‌و فێستیڤاڵه که‌ له‌لایه‌ن  کۆمه‌ڵه‌ی کوردی سوریا و رێکخراوی گه‌شه‌ی کوردستانی، که‌ دوو رێکخراوی چالاکن و ئه‌ندامن له‌ ناوه‌ندی رێکخراوه‌ دیموکراتییه‌کانی ده‌ره‌وه‌ی ی.ن.ک سه‌رپه‌رشتی ده‌کرا.

ئەم فیستیڤالەش بەشێکە لەخەبات

‌له‌ده‌ستپێکدا هه‌ندرێن باوه‌نوری سه‌رپه‌رشتیاری فێستیڤاڵ دوای به‌خێرهاتنی ئاماده‌بووان ئاماژه‌یدا به‌ مێژووی پر له‌تێکۆشان و فیداکاری گه‌لی کوردمان  به‌رامبه‌ر به‌و زوڵم و سته‌مه‌ی که‌ به‌رامبه‌ریان کراوه.‌
باوه‌نووری وتیشی: هه‌موو هه‌وڵێک و هه‌موو رێگه‌یه‌کیان گرتۆته‌ به‌ر بۆ سڕینه‌وه‌ی  مێژووى فه‌رهه‌نگ  کلتوری نه‌ته‌وه‌ییمان و گه‌لی کورد هیچ کات ئاماده‌نه‌بوون‌ چۆک دابده‌ن و له‌ خه‌بات به‌رده‌وام بووه‌و به‌رده‌وام ده‌بێت له پێناو پاراستنی کلتووری نه‌ته‌وه‌یی خۆی و گه‌یشتن به‌ مافه‌کانی.
پاشان سه‌باره‌ت سازدانی ئه‌و فێستیڤاڵه وتی: خه‌باتكردن ته‌نیا خه‌باتی چه‌كداری نییه‌، به‌ڵكو چه‌نده‌ها شێوازی خه‌بات هه‌یه‌، ئه‌م فێستیڤاڵه‌ش به‌شێكه‌ له‌خه‌بات له‌پێناو مانه‌وه‌ى گه‌لی كوردو گه‌شه‌كردنی مێژوو فه‌رهه‌نگ و كه‌لتوری كوردی، له‌و پێناوه‌شدا پێویسته‌ به‌رده‌وام بین له‌خه‌بات و قوربانیدان. 
ئه‌و فێستیڤاڵه‌ش به‌رهه‌می خه‌باتی چه‌ند ساڵه‌ی رێكخراوی گه‌شه‌ی كوردستانی و كۆمه‌ڵه‌ی كوردی سوریاو ره‌وه‌ندی كوردو ئێوه‌ی به‌ڕێزه‌.

پشتیوانی زیاتری شاره‌وانی ئۆسلۆشی ده‌ربڕی

پاشان وتاری هه‌ر یه‌ک له‌ "بۆرد فرانتزین" له‌ رێکخراوی دژبه‌ڕه‌گه‌زپه‌رستی نه‌رویجی و خاتوو "روه‌ینه" به‌ ناوی شاره‌وانی ئۆسلۆوه‌ پێشکه‌شکران. 
هه‌ردوولا وێڕای پیرۆزبایی له‌ ره‌وه‌ندی کوردی و خۆشحاڵی، ده‌ستخۆشی خۆیان ئاڕاسته‌ی ره‌وه‌ندی کورد له‌ نه‌رویج کرد بۆ سازدانی ئه‌و فێستیڤاڵه کلتوورییه‌ و باسیان له‌ گرنگی ئه‌م جۆره‌ چالاکییانه‌ کرد له‌ پێناو ناساندن و شاره‌زابوون له‌ کلتووری گه‌لانی دیکه‌ کرد.
له‌وتاری خاتوو روه‌ینه‌  هاتبوو كه‌ جێگه‌ی ده‌ستخۆشییه‌ كه‌ كورد له‌سێ ساڵی رابردوو توانیویانه‌ زۆر به‌سه‌ركه‌وتوویی چالاكییه‌ هونه‌ری و كله‌توورییه‌كانی خۆیان له‌و ولاته‌ پێشكه‌شبكه‌ن، هه‌ر ئه‌وه‌ش وایكرد كه‌ رۆژێكی تایبه‌ت به‌كه‌لتووری كوردی له‌نه‌رویج ته‌رخانبكرێت، هه‌روه‌ها روه‌ینه‌ پشتیوانی زیاتری شاره‌وانی ئۆسلۆ-شی ده‌ربڕی كه‌ بۆ ساڵی ئاینده‌ زیاتر هاوكاربن بۆ به‌رده‌وامبوونی نمایشكردنی كه‌لتووری كوردی. 

له‌یه‌كه‌م فێستیڤاڵی كه‌لتووری و رۆشنبیری كوردی، چه‌ندین چالاكی جۆراوجۆر نمایشكران له‌وانه‌: پێشانگه‌یه‌كی كاری ده‌ستی كوردی و پێشكه‌شكردنی خواردنی جۆراو جۆری كورده‌واری كه‌ له‌لایه‌ن چه‌ند خێزانێكی كورد ئاماده‌كرابوو، له‌گه‌ڵ كردنه‌وه‌ی پێشانگه‌یه‌كی فۆتۆگرافی كه‌ له‌لایه‌ن رۆژنامه‌نووسی نه‌رویجی پرێند كرابۆوه‌.

بوونه‌ جێگه‌ی سه‌رنج

هاوكات خاتوو قه‌ده‌م كه‌ به‌ڕه‌گه‌ز شیللیی-یه‌ سه‌مای رۆژهه‌لاتی پێشكه‌شكرد. 
پاشان چه‌ند گۆرانییه‌كی كوردی له‌لایه‌ن هه‌ریه‌ك له‌گۆرانیبێژان نه‌به‌ز موكریانی و پشتیوان عوبێد پێشكه‌شكران كه‌ له‌گه‌ڵ گۆرانییه‌كانی نه‌به‌ز موكریانیدا خاتوو قه‌ده‌م به‌رده‌وامی به‌سه‌ما رۆژهه‌لاتییه‌كه‌یدا.

دواتر گروپی لاوانی یۆتۆبۆری له‌چه‌ند كاتێكی جیادا  بێ گوێدانه‌ ته‌رزه‌و بارانی ئۆسلۆی پایته‌خت، چه‌ندین شێواز هه‌ڵپه‌ڕكێی كوردییان پێشكه‌شكرد.

هه‌روه‌ک به‌ تازه‌گه‌ریی که‌ به‌ له‌به‌رچاوگرتنی پاراستنی کلتووری کوردی ئه‌نجامیاندابوو بوونه‌ جێگه‌ی سه‌رنج و خۆشحاڵی ئاماده‌بووان و میوانه‌ نه‌رویجییه‌کانی ئه‌وێ .

هه‌ر به‌و ته‌رزه‌و بارانه‌ی ئۆسلۆی پایته‌خت چه‌ندین چالاكی هونه‌ری و كه‌لتووری دیكه‌ له‌لایه‌ن كوردانی هه‌رچوار پارچه‌كه‌ی كوردستان نمایشكران له‌وانه‌ چه‌ند گۆرانییه‌ك و هه‌ڵپه‌ركیی كوردی له‌لایه‌ن كۆمه‌ڵه‌ی كوردی سوریا، گروپی یاری كوردى رۆژهه‌لاتی كوردستان، گروپی دڵخواز- باكوری كوردستان، گروپی رۆژی مندالان - باكوری كوردستان پێشكه‌شكران،  كه‌ هه‌رگرووپه‌ و به‌شێوازێك توانیان سه‌رنجی ئاماده‌بوون رابكێشن به‌هونه‌رو كه‌لتووری كوردی ئه‌و رۆژه‌ كه‌لتوورییه‌ جوان و جوانتر بكه‌ن. 

خه‌لاتی رێزلێنان

له‌كۆتایشدا هه‌ندرێن باوه‌نووری خه‌لاتی رێزلێنانی رێكخراوی گه‌شه‌ی كوردستانی پێشكه‌ش به‌كۆمه‌ڵه‌ی لاوانی یۆتۆبۆری كرد.
باوه‌نووری له‌کاتی پێشکه‌شکردنی خه‌ڵاتی رێزلێنان به‌ رێناس ئامانج  به‌رپرسی کۆمه‌ڵه‌ی لاوانی یه‌تۆبۆری وتی: کۆمه‌ڵه‌ی لاوانی یه‌تۆبۆری له‌ رابردوودا توانیویانه‌ خزمه‌تێکی باش به‌ کلتوری کوردی بکه‌ن له‌ رێگه‌ی نمایشکردنی هه‌ڵپه‌ڕکێی کوردی توانیویانه‌  کلتووری کوردی به‌ گه‌لانی دیکه‌ بناسێنن و  هه‌روه‌ک سوپاسیشی کردن كه‌  داواکاریی سه‌رپه‌رشتیارانی فێستیڤاڵ له‌ ئاماده‌بوونیان قبوڵکردو ئه‌مه‌شی به‌ هه‌ڵوێستێکی کوردانه‌و دڵسۆزانه‌ وه‌سفکرد.

له‌به‌رامبه‌ریشدا رێناس ئامانج به‌رپرسی کۆمه‌ڵه‌ی لاوانی یه‌تۆبۆری، سوپاسی رێکخراوی گه‌شه‌ی کوردستانی و کۆمه‌ڵه‌ی کوردی سوریای کرد و خۆشحاڵی خۆیان ده‌ربڕی که‌ له‌ یه‌که‌مین فێستیڤاڵى کوردی له‌ وڵاتی نه‌رویج  به‌شدارن ،هیوا خواز بوون که‌ فێستیڤاڵی له‌م چه‌شنه‌ له‌ سه‌رخه‌م وڵاتانی جیهان سازبکرێت بۆ ناساندنی کلتوری کوردی به‌ هه‌موو جیهان و ئاماده‌یی خۆشیان به‌ ئه‌رکێکی نه‌ته‌وه‌یی  دانا. 

شایه‌نی باسه‌ پێشکه‌شکارانی فێستیڤاڵ پێکهاتبوون له‌ خاتوو دیمه‌ن  و شێروان زیاد و تا دره‌نگانی شه‌و چالاکییه‌ کلتوورییه‌کان به‌رده‌وامبوون.

نیان لە کلیپە بادنییەکەى ناڕازییە: پێشتر دەترسام لەگەڵ کوڕ گۆرانى بڵێم

زانا دڵشاد دزەیى: ئەو سێدیەکى ئامادەى تۆمارکردنە، بەڵام لەبەر گەرماى هاوینى ئەمساڵ، کارەکانى خۆى وەستاندووە، چونکە نیان عەبدوڵڵا لەو دیمانەیەیدا دەڵێت "هاوینى ئەمساڵ زۆر گەرمە، وام لێهاتووە لەماڵ نەیەم بۆ دەرەوە، لەبەرئەوە کارەکانى ئەلبوومەکەم وەستاندووە"، هەروەها نیان عەبدوڵڵا لەدوا کلیپى خۆى ناڕازییە و دەڵێ کواڵێتى کلیپەکە هێندە نزمە، تەنیا ڤین تیڤى وەریگرتووە.

گۆرانیبێژ نیان عەبدوڵڵا، دانیشتووى شارى سلێمانییە و یەک ئەلبوومى بڵاوکراوەى هەیە و ئەندامى تیپى تەوارى کچانى سلێمانییە، لە 2/7/2010 بەشداریان لەفیستیڤاڵى موزیکى کلاسیک کرد، کە هەموو ساڵێک لە ڤیەنناى پایتەختى نەمسا بەڕێوەدەچێت، لەنێو 27 گروپى کۆڕاڵى موزیک، کە لە 16 وڵاتەوە بەشدار ببوون، تیپى تەوارى کچانى سلێمانى پلەى یەکەمیان بەدەستهێنا، نیان لەبەرپرسانى کورد و لایەنە پەیوەندیدارەکان بەهونەر نیگەرانە، کە لەکاتى گەڕانەوەیان بۆ کوردستان پێشوازیان لەیەکەمى تیپەکەیان نەکردووە، دەڵێت "دەبوو هونەرمەندانێکى زۆر و گەورە بەرپرسەکانى کوردستان پێشوازیان لەگەڕانەوەى ئێمە بکردایە و گوڵیان پێشکەش بکردینایە، کە کوردستانمان یەکەم کرد، چونکە ئەو سەرکەوتنە هەر بۆ تیپى تەوارى کچان نەبوو، بەڵکو بۆ هەموو کوردستان بوو، بەڵام نازانم بۆچى ئەو سەرکەوتن و یەکەمەى ئێمە لاى سەرکردەکانى ئەو وڵاتە بایەخى نەبوو، من گلەیى لەهەموو بەرپرسەکانى کورد و وەزارەتى رۆشنبیرى و هونەرمەندانیش دەکەم"، هەروەها نیان عەبدوڵڵا دەڵێ "چاوەڕێى ئەوە بووم، ئەگەر بگەڕێینەوە کوردستان، پێشوازییەکى زۆر گەرم لەیەکەمى ئێمە بکرێ".
نیان ئاماژە بۆ ئەوە دەکات، تواناى هەیە بەهەموو شێوەزارەکان گۆرانى بڵێت، دەڵێ لەوڵاتى نەمسا لەگەڵ گروپى کۆڕاڵ گۆرانى ئەڵمانیم گوتووە و دەشتوانم گۆرانى عەرەبى و تورکیش بڵێم، نیان کە گۆرانییەکى نوێى شێوەزارى کرمانجى لەگەڵ تیپى مۆسیقاى دهۆک تۆمارکردووە، گوتى "پێش ئەوەى ئەو گۆرانییە بڵاوبکەمەوە، خزم و هاوڕێکانم پێیان گوتم ئەو گۆرانییە نەک هەر لەناو بادنییەکان، بەڵکو لەناو سۆرانییەکانیش جێگاى خۆى دەکاتەوە، هەرواش دەرچوو، سۆرانییەکان داوام لێدەکەن ئەو گۆرانییە لەکوێ دەستدەکەوێت؟ من گۆرانییەکەم زۆر بەدڵە". بەڵام نیان لەکلیپى ئەو گۆرانییە ناڕازییە، چونکە بەکامێراى کوالێت نزم وێنەى بۆ گیراوە و کەناڵەکان پەخشى ناکەن، "من شارەزاییم لەباشى و خراپى کامێرا نییە، بەڵام بەداخەوە ئێستا وام بیستووە تەنیا کەناڵى ڤین کلیپەکەى قبوڵ کردووە، کەناڵەکانى دیکە گوتیانە گۆرانییە زۆر خۆشە، بەڵام کوالێتى کلیپە نزمە و رەنگەکان تێکەڵ دەبێ، لەبەرئەوە ناتوانین پەخشى بکەین"، نیان ئەوەش دەڵێ ئەو دڵخۆشییەى بۆ ئەو گۆرانییە هەمبوو، ئێستا نەما، گلەییش لەو کەسانە دەکەم، کە کلیپەکەیان بۆ دروستکردم و نەیاتوانى کارێکى باشم بۆ ئەنجام بدەن.
هونەرمەند نیان کارى مۆسیقاى ئەلبوومە نوێکەى بە کۆتاهێناوە و خەریکى تۆمارکردنى گۆرانییەکانە، بەڵام لەبەر ئەو گەرما زۆرەى، کە بۆ کوردستان هاتووە، کارەکانى ئەلبوومەکەى راگرتووە، چونکە دەڵێت "بەشێکى گۆرانییەکان لەشارى هەولێر تۆمار دەکەم، بەڵام ئەو گەرمایە وای لێکردووم لەماڵ نەیەم بۆ دەرەوە، ناتوانم هاتوچۆ بکەم، دڵنیام ناتوانم لەو گەرمایەدا لەستۆدیۆ گۆرانی بڵێم"، ئەو گەرمایەى کوردستان نیانى هێندە بێتاقەت کردووە، دەڵێت "حەز دەکەم لەو گەرمایەى کوردستان ڕابکەم، بچمە وڵاتێکى دیکە". ناوبراو ئەوەشى ئاشکرا کرد، کە حەز بەسەرفەرى وڵاتى ئەڵمانیا دەکات و هەرچەندە ئەو وڵاتەى نەبینیووە، "بەڵام کەسوکارەکەم لەوێن و دەڵێن زۆر خۆشە، لەبەرئەوە خزم و کەسانم لەوێن واهەستدەکەم ئەڵمانیا نزیکن لەخۆمانەوە، خۆشم هاندەرى هەڵبژاردەى ئەڵمانیا بووم، بەڵام بەداخەوە دۆڕاندى".
نیان عەبدوڵڵا ئەوەش ناشارێتەوە، پێشتر لەوە ترساوە گۆرانی دوێت لەگەڵ کوڕ بکات، لەبەرئەوەى گۆرانى دوێت لەناو گۆرانیبێژە کچەکان زۆر کەم بوو، بەڵام نیان دەڵێت "ئیستا بەهۆى هاندەرى کەسوکارم و هاوسەرەکەم، گۆرانییەکى دوێتى زۆر خۆشم بەناوى (ساقى) لەگەڵ هونەرمەند نێڤان کردووە، کلیپەکەشمان تەواو بووە، ئینشاڵڵا بەمنزیکانە بڵاوى دەکەینەوە".

یەکەم کتێبی مەسعودى مەلا هەمزە چاپکرا

رۆژنامەنووسی بوارى هونەرى "مەسعودى مەلا هەمزە" یەکەم کتێبی خۆی بەچاپگەیاند.کتێبی "تا دڵ دەوەستێ- ژیان و بەرهەمەکانى سەفوەت جەراح 1935- 2010" کە قەبارەکەى "100" لاپەڕەیەو لە ئامادەکردنى مەسعودى مەلا هەمزەو بەرهەمى بەڕێوەبەرایەتى شانۆی هەولێر بوو لە چلەى ماتەمینى هونەرمەند سەفوەت جەراج دابەش کرا.

لەبارەى ئەم کتێبەوە مەسعودى مەلا هەمزە گوتى: "وەکو لە پێشەکى کتێبەکەمدا نووسیومە بڕیاربوو ئەوکارە بەر لە مەرگى هونەرمەند بکرێ، بەڵام بەداخەوە بەهۆی سەرقاڵبوونم بە گەشتەکەم بۆ ئەمریکا نەمتوانى ئەوکارە بکەم، بۆیە دواى گەڕانەوەم بە هاوکارى بنەماڵەى هونەرمەند و بەڕێوەبەرایەتى شانۆی هەولێر ئەم کتێبە چاپکرا".
مەسعودى مەلا هەمزە گوتیشی: هەوڵمداوە لەم کتێبەدا بە شێوەیەکى جیاواز کاربکەم هەر لە ناوەکەى و ناوەرۆکى کتێبەکە، بۆیە هەوڵمدا ئەو کتێبە دابەش بکەمە سەر چوار بەشی سەرەکى کە بریتى بوون لە:"ژیان و بەرهەمەکانى هونەرمەند، بەشێک لە دیدارە رۆژنامەوانیەکانى هونەرمەند، ئەو وتارانەى لەدواى مەرگى هونەرمەند نووسرابوون، پاشکۆی وێنە و دیکۆمێنتەکان" و دواى کارکردنێکى زۆر لەسەر ئەرکى بەڕێوەبەرایەتى شانۆی هەولێر چاپکرا".
شایانى باسە مەسعودى مەلا هەمزە رۆژنامەنووسێکى بوارى هونەرییەو ماوەى زیاتر لە 3 ساڵە لە راگەیاندن کاردەکاو بەرپرسی بەشی هونەرییە لە هەفتەنامەى بەدرخان، هەروەک تا ئێستا لە چەندین شانۆگەرى و فیلم و چالاکى هونەرى وەکو بەرپرسی راگەیاندن کارى کردووە".

لەژێر ناونیشانی ( با ژیان لەسەر هەسارەکەمان بەردەوام بێت ) هونەرمەندان بیر لە دواڕۆژ دەکەنەوە

 لەژێر ناونیشانی ( با ژیان لەسەر هەسارەکەمان بەردەوام بێت ) هونەرمەندان بیر لە دواڕۆژ دەکەنەوە. هونەرمەندانی ووڵاتانی ئاسیاو ئەسکەندەناڤیاوە ئاوێتەبوون و داهێنان لە پێشانگای هونەری و ۆرکشۆپیدا. دانیمارک / سوید ٢ / ١٤ سێپتەمبەر ٢٠١٠  لە ڕێگای پڕۆژەی ( با ژیان لەسەر هەسارەکەمان بەردەوام بێت ) (  Tellus Art ) وێستگەیەک پێک دێنێت لە هونەرمەندانی بەهرەمەند و نایاب لە ووڵاتانی ئاسیا و ئەسکەندەناڤیا کە هەموو پێکەوە بیرۆکەکانیان لە یەک شوێندا و وە لە چەند ۆرکشۆپێکدا کە لەسەر یەک بابەتی چەق بەستوو وێنە بکێشن، وەک هونەر کە باشترین ئامرازە بۆ دەربڕینی هەستەکانی مرۆڤ.

ئەم پڕۆژەیە ٣٤ هونەرمەند بەشداری تیادا دەکات وە ئەمساڵ لەم پڕۆژەیەدا سێ هونەرمەندی کورد بەشدارن ئەوانیش :

ئاشنا ئەحمەد لە ووڵاتی سوید، یادگار عەلی خەیات لە بەریتانیا، مەریوان جەلال لە بەریتانیا.

پڕۆژەی ( با ژیان لەسەر هەسارەکەمان بەردەوام بێت ) یارمەتیمان ئەدات بۆ بەدی هێنانی هیواکانمان، ترس و چاوەڕوانکردنی نەوەیەک کە زۆر بە دیقەتەوە ئەڕوانیتە ژینگە وە فراوان کردنی زانیاریەکانی لەبارەی گۆڕانکارییەکانی ئاوو هەواوە.

ژینگە و سروشت، گەنجان و منداڵان بانگهێشت دەکات وە بەشێک لەم پڕۆژەیە وە هووشیارکردنەوەیان لە بارەی ئەم دۆزە گرنگەوە، هەروەها ۆرکشۆپەکان هەوڵ ئەدات بۆ هاندانی هونەر، وە هاوڕێتی و تێگەیشتن لە نێوان خەڵک بە کەلتووری جیاوازەوە.

کۆچ و گوڵ کچک عیماد دێننەوە ناو هونەر

هەولێر/زریان خەتاب

فۆتۆ/خالید محەمەد : لەساڵی 1986ەوە هاتۆتە ناو دونیای هونەر و لەتەمەنێکی منداڵیدا دەستی بە گۆرانی ووتن کردووە ولەزۆربەی ئاهەنگەکانی ساڵانی هەشتا و نەوەدەکانی شاری هەولێر بەشداربووە و لەگەڵ هەریەکە لە هونەرمەندانی  گەوەری کورد مامۆستا مشکۆ و محەمەد ئەحمەد ئەربیلی و ئەکرەم جوزری و نیزام شوکر و عارەب عوسمان و ئەردەلان بەکر و زیاد ئەسعەد و چەندین هونەرمەندی تر بەرهەم و چالاکی هونەری تۆمارکردووە و لەشاری کەرکوکیش لەگەڵ هونەرمەندی گەورەی عێراق کازم ساهر بەشداری لە ئاهەنگێکی فراوانی جەماوەریداکردووە.