CHRA.TV

Voorbeeld-HTML-pagina

ئامادەبووانى ئێستا 42 میوان

کۆمەڵەی کوردی موردایك لە زیڤن بیرخن ی هۆڵەندا

ئاشتی گەرمیانی .. هۆڵەندا

لە رۆژی ١٢ / ١١ / ٢٠١٦ کۆمەڵەی کوردی موردایك کە کۆمەڵەیەکی کوردی یەو لەساڵانی ڕابردوودا چەندین چالاکی هونەری و ڕۆشنبیری و کەلتووری کوردی هۆڵەندی پێشکەش کردوە لە شارەکانی هۆڵەندا کە گرنترین چالاکیەکانی ساڵانەی جەژنی نەورۆزی گەلی کورد و رۆژی منداڵانی جیهانی و ئافرەتان و ڤالانتاین و پێشانگای دۆستایەتی کوردو ووڵاتانی ئەوروپی و سیمینارو کۆڕی شیعری و ئاهەنگی سەری ساڵ و چەندین چالاکی تر ساز دەکات . ئەمساڵیش لەدوای کۆمەڵە چالاکیەك ئێوارە کۆڕێکی شیعری هاوبەشی ساز کرد لە هۆڵی .
gerefomeerde kerk
لە شارۆچکەی زیڤن بێرخن بۆ شاعیرانی کوردو هۆڵەندی کە تێدا شاعیرو نوسەر لەتیف عومەر محی الدین و عومەر عبداللە وە لە شاعیرانی هۆڵەندی کەیس فەیزەر و خاتوو دۆرین ڤەن دایك بەشداریان کرد . هەریەك بە چەند پارچە شیعرێك کە دەربڕینایان لە ناخی خۆیان و دەوروبەرەکەیان دەکرد ، ئەوەی کە جێگای تێڕوانینیە ئەو خەون و خەیاڵەیە کە هەردەم باسی رابردوو دەکەین بەتایبەتی هەردوو شاعیرانی کورد باسی شاری سلێمانیان کرد .. سلێمانی رابردوو نە ك ئێستا .. یادەوەریە کۆنەکان ، ئەو یادگاریانەی کە مرۆڤ ڕۆژانە خەونی پێوە دەبینێت ، بەتایبەتی کاتێك شاری سلێمانی شاری ژیانە سادەکەو درواسێ خۆشەویستەکەو تایبەتمەندیە جوانەکە بوو ، ئەو سروشتەی کە لە هزی ئەواندا ناسڕێتەوە ، ڕابردوو لای ئەوان ئەفسانەیەکی جوان و بێ کۆتایی یە ، هەر بۆیە بەو وێنەیەوە تەماشای ئێستای دەکەن ، بەڵام ئەوە خەونە کە لەکاتێکدا هەموو شتەکان وەکو دیوارو خەڵك و هاوسێ و برادەرو ئاوهەواکەشی گۆڕاوە .. لە شیعری هۆڵەندیەکان باس لە هێزو خەون دەکات باس لە دەوروبەر دەکات ، باس لە ڕاکەڕاك و ژیانی ڕۆژانە دەکات ، باس لە سروشت و تەم و باران دەکات ، دیارە ئەوەش سروشتی ئەم ووڵاتەیە کەمرۆڤ تێیدا دەژیت ، بەڵام لە ووڵاتی مندا هەردەم کوشتن و بڕین و داگیرکردن و وێران کاری و بێ دایك و باوك هێمای ئەو نەتەوەیەیە ، دیارە پێویستیشە مرۆڤ باس لە ڕابردوو وە داهاتووش بکات ، بەڵام ئازارەکان زۆر تاڵ ترن لە هزری مرۆڤی کوردا ، ئێوارە کۆڕەکەی کۆمەڵەی کوردی موردایك کە کاك لەتیف عومەر بەڕێوەی دەبات بە گوڵ و ئاڵای کوردستان کۆتاییان بەو ئێوارە دیدارە هێنا .