CHRA.TV

Voorbeeld-HTML-pagina

ئامادەبووانى ئێستا 39 میوان

شانۆکارانی کورد بەشانۆیی ورچ بەشداریان کرد لەفێستیڤاڵی نێودەوڵەتی شانۆی(نکور) لەمەراکیش ...

هونەرمەند (دکتۆر فازیل جاف )خەڵاتی رێزلێنانی توانا وداهێنانی پێبەخشرا

کۆمەڵەی سیفسیۆنی بۆ شانۆی ئەمازیغی لەهەرێمی حسێمیەی وڵاتی مەراکیش لەرۆژانی ١٨ / تشرینی دووەم تاکو ٢٢ / تشرینی دووەم / ٢٠١٤شەشەمین خولی فێستیڤاڵی نێودەوڵەتی شانۆی (نکور)ی شانۆی دەریای سپی ناوەڕاستی بەڕێوەبرد

ئەم کۆمەڵەیە بێجگە ئەم شەش خولەی فێستیڤاڵ ماوەی ١٠دەساڵە لەو هەرێمەدا لەرێگەی نمایشی شانۆیی و کردنەوەی خولی راهێنان و پێگەیاندنی بەهرەمەندانی نوێ لەبواری شانۆ خزمەتی بەرچاوی بەهەرێمەکەو شانۆکاران گەیاندووە .
لەشەشەمین خولی فێستیڤاڵی نێودەوڵەتی شانۆی (نکور)ی ئەمساڵدا چەندین ئاهەنگی فۆلکلۆری و شانۆی شەقام و کۆڕو سیمیناری شانۆیی پێشکەش کران ، هەروەها لەرۆژانی فێستیڤاڵدا ٩نۆ گروپی شانۆیی کارەکانیان لەچوارچێوەی فێستڤاڵ نمایش کرد کە ئەوانیش بریتی بوون لە :
١- گروپی ئەرلەکان لە مەراکیش ٢- گروپی فانۆس لە شاری سلا لەمەراکیش ٣- گروپی مارۆ کۆمیدی لە هۆڵەندا ٤- گروپی مارتیشکا بۆ شانۆو سینەما ٥- گروپی زریانی پارسا لە هەرێمی کوردستانەوە بۆ نمایشکردنی شانۆیی ورچ ٦ - گروپی ڤییائاگێس لە پایتەختی مەراکیش ٧- گروپی تیری ووزۆ لە وڵاتی جەزائیر ٨- گروپی درامیدیا لە شاری ئەکادیرەوە ٩- گروپی ئەمازیغ سنهاجە لە هەریمی ترکیست .
کۆمەڵەی سیفسیۆنی بۆ شانۆی ئەمازیغی لەشەشەمین خولی فێستیڤاڵی نێودەوڵەتی شانۆی (نکور)بڕیاریدا بە بەخشینی خەڵاتی رێزلێنان بۆ ٣سێ کەسایەتی شانۆکار کەتوانیویانە خزمەتی گەورە پێشکەش بکەن بەنیشتمانی خۆیان و بەمرۆڤایەتی لەرێگەی هونەری شانۆو نووسینەکانیانەوە ، بەخۆشحاڵی و شایستەییەوە لەرۆژی ١٨ / تشرینی دووەم / ٢٠١٤ لەدوای دەستپێکردنی کارەکانی یەکەم رۆژی فێستیڤاڵ ، دەرهێنەری شانۆو نووسەرو توێژەری شانۆی کوردی (دکتۆر فازیل جاف )خەڵاتی رێزلێنانی تواناو لێهاتویی و داهێنەری پێبەخشرا ، هەروەها خانمە هونەرمەندی مەراکیش(فاتمە خەیر)و هونەرمەندی گۆرانیبێژی ئەمازیغی( مەیمون رەحمونی ناسراو بە مەیمون ئیسران) هەمان خەڵاتی رێزلێنانیان پێبەخشرا .
شایانی وتنە (دکتۆر فازیل جاف ) لەرٶژانی فێستیڤاڵ دا کۆڕێکی بەپێزی پێشکەشکرد لەسەر تێرمی شانۆی (گرۆتۆڤسکی)هەروەها ٣سـێ سیمیناری لەزاکۆی مەراکیش و زانکۆی ئیسپانیا لە حسێمیەو زانکۆی فەرەنسا لەمەراکیش پێشکەشکرد ، هەروەها گروپی زریانی پارسا وەکو گروپێکی هەرێمی کوردستان بانگهێشتی فێستیڤاڵەکە کرابوون رۆژی ٢٠ /١١/ ٢٠١٤ لەسەر تەختەی شانۆی ( ئەمیر مەولای ئەلحەسەن شـانـۆیی ( ورچ ) یان نمایشکرد ، دەرهێنانی :(هه‌ڵكه‌وت محه‌مه‌د) ، نواندنی :( رێباز محه‌مه‌د ، جوانه‌ به‌هادین ، علی نامیق ) و سینۆگرافیای (شیراز عه‌زیز )، ته‌كنیككار (شوان حه‌مه‌سه‌عید) و كۆریۆگرافی ئەم شانۆییەش پێشتر لە لایەن (روبار ئەحمەد )ەوە دانراوە ، به‌شێك له‌ سپۆنسه‌ری ئه‌م كاسته‌ له‌لایه‌ن ده‌زگای رۆشنبیریی جه‌مال عیرفان و به‌ سپۆنسه‌ری به‌رێز ( دكتۆر ته‌ها ره‌سوڵ)ه‌وه‌ دابینكراوه‌ .
لە شەشەمین خولی فێستیڤاڵی نێودەوڵەتی شانۆی (نکور)شانۆی دەریای سپی ناوەڕاست لەهەرێمی حسێمیەی وڵاتی مەراکیش بەیانیانی رۆژانی فێستیڤاڵ تەرخانکرابوو بۆ ۆرک شۆپ و کۆڕو سیمینارە شانۆییەکان و نمایش کردنی شانۆی شەقام پاش نیوەڕوانیش کارە شانۆییەکان لە هۆڵی فێستیڤاڵ نمایس دەکران .
ماوەتەوە بڵێین کۆمەڵەی سیفسیۆنی بۆ شانۆی ئەمازیغی لەهەرێمی حسێمیەی وڵاتی مەراکیش شەشەمین خولی فێستیڤاڵی نێودەوڵەتی شانۆی(نکور) شانۆی دەریای سپی ناوەڕاستی بەهاوبەشی و پشتیوانی وەزارەتی رۆشنبیری مەراکیش و شارەوانی حسێمیە و ئاژانسی پەرەپێدان و بوژانەوەی باکوری مەراکیش و شانۆی نیشتیمانی محەمەد پاشای پێنجەم و ئەنجومەنی سەرپەرشتیاری هەرێمەکان و پەیمانگەی پاشایەتی بۆ رۆشنبیری ئەمازیغی و زۆریک لە کۆمپانیاو مۆڵەکانی حسێمیە بەرێوەبردووە .

ئــــــــــازاد ســــــــــەوزە