CHRA.TV

Voorbeeld-HTML-pagina

ئامادەبووانى ئێستا 60 میوان

شانۆ

تواناو ئەزموونى ژنانى شانۆکار کۆدەکرێتەوە

هەولێر، مەسعودى مەلا هەمزە : بەڕێوەبەرایەتى هونەرى شانۆی سلێمانى بەنیازى رێکخستنى فێستیڤاڵێکى شانۆیی ژنانە، کە لەو فێستیڤاڵەدا تواناو ئەزموونى ژنان و کچانى شانۆکار دەخرێتەڕوو. بەپێی راپۆرتى راگەیاندنى بەڕێوەبەرایەتى هونەرى شانۆی سلێمانى، داوا لە سەرجەم تیپ و گروپە شانۆییەکانى ناوەوەو دەرەوەى کوردستان دەکەن کە بەشداربن لە فێستیڤاڵی "گوڵە مێخەک بۆ مۆنۆدراما".

قەڵای هەولێر پڕ لە شانۆیی دەکرێ

هەولێر، مەسعودى مەلا هەمزە : لە نوێترین چالاکى خۆیدا، بەڕێوەبەرایەتى شانۆی هەولێر بەنیازى وەرزێکى شانۆییە، کە تێیدا کۆمەڵێک شانۆگەرى لە هەر چوار شارەکەى کوردستان لەو فێستیڤاڵە بەشدارن. وەرزى شانۆیی قەڵا، ئەو فێستیڤاڵە شانۆییەیە کە بڕیارە لە ئایندەیەکى نزیکدا لە شارى هەولێر سازبکرێ و تەواوى نمایشەکان تاکو 1/1/2011 بەردەوام دەبن.

ئامادەکارییەکانى شانۆگەرى (سێوەکەى خۆم)ى کارۆخ ئیبراهیم دەست پێدەکات

بۆ نمایشکردنى بەرهەمى ساڵى (گرووپى گەنج بۆ شانۆ)، ئامادەکارییەکانى شانۆگەرییەکە دەستیان پێکردووە، کە لە قۆناغى سەرەتایى کارەکەدا 40 کەس کار بۆ ئامادەکارییەکانى شانۆگەرى (سێوەکەى خۆم) دەکەن.

سوتووەکانى جەنگ لە هەولێر ببینە

هەولێر، مەسعودى مەلا هەمزە : دواى ئەوەى کۆمەڵەى هونەرى نوێى کوردى لە لەندەن شانۆگەرى سوتووەکانى جەنگى لە هەردوو شارى لەندەن و مانچستەر و سلێمانى نمایشکرد، بڕیارە لەسەر داوەت و بانگهێشتى بەڕێوەبەرایەتى شانۆی هەولێر لە شارى هەولێریش نمایشی بکەن.

لە نۆ رۆژدا 8 شانۆگەری منداڵان نمایش دەكرێ

تایبەت بە شانۆی هەولێر: لەدرێژەی فێستیڤاڵی شانۆی منداڵانی هەولێر، لە ماوەی 9 رۆژدا بەڕێوەبەرایەتی شانۆی هەولێر 8 شانۆیگەری نمایش دەكاو لەرۆژی كۆتاییشدا خەڵات بەسەر سەركەوتووان و بەشدارانی فێستیڤاڵ دابەش دەكات.

سوتووەکانى جەنگ لە هەولێر ببینە

هەولێر، مەسعودى مەلا هەمزە : دواى ئەوەى کۆمەڵەى هونەرى نوێى کوردى لە لەندەن شانۆگەرى سوتووەکانى جەنگى لە هەردوو شارى لەندەن و مانچستەر و سلێمانى نمایشکرد، بڕیارە لەسەر داوەت و بانگهێشتى بەڕێوەبەرایەتى شانۆی هەولێر لە شارى هەولێریش نمایشی بکەن. شانۆگەرى سوتووەکانى جەنگ لە نووسینى نووسەرى سویدى (لاش نۆرین)ە و وەرگێڕانى هونەرمەند دلاوەر قەرەداغییە و پێداچونەوەى دەق و دەرهێنانى هونەرمەند سەلام مەجیدە، هونەرمەندان شەماڵى عەبەڕەش، شادان فوئاد، شنۆ شەماڵ، قادر سەمەد" وەکو ئەکتەر لە کارەکە بەشدارن و لە 8/8/2010 لە هۆڵی رۆشنبیری شارى هەولێر نمایش دەکرێ.

ماڵپەڕی بەڕێوەبەرایەتی هونەری شانۆ كەوتە كار

مەسعودی مەلا هەمزە : بۆ گرنگیدان بە بواری راگەیاندن و خزمەتی هونەرمەندان بەڕێوەبەرایەتی هونەری شانۆی هەولێر ماڵپەڕێكی تایبەت و فەرمی بۆ بەڕێوەبەرایەتییەكەی كردەوە. ئەو ماڵپەڕە جگە لە هەواڵ و وتار و دیداری شانۆیی، هەریەك لە بوارەكانی "دراما، سینەما" لەخۆ دەگرێ.

ئەمڕۆ لە هەولێر شەوى حیساب ببینە

مەسعودى مەلا هەمزە: فیلمى سینەمایی شەوى حیساب کە لە حوسێن سێودین لە رۆمانێکى بەختیار عەلى وەریگرتووەو لەماوەى رابردوو یەکەم نمایشی لە شارى سلێمانى کرا، بڕیارە کاتژمێر 5،30 رۆژی یەکشەممە 8/8/2010 لە هۆڵی پێشەواى شارى هەولێر نمایش بکرێ.
فیلمى شەوى حیساب کە لە رۆمانی شارى مۆسیقارە سپییەکانى بەختیار عەلى وەرگیراوەو بەرهەمى بەڕێوەبەرایەتى سینەماى سلێمانییەو هونەرمەندان:"دەوەن نەوزاد، جەبار سابیر، یوسف محەمەد، تەها یاسین، مەریوان عەبدوارەحیم، رێبین قادر، خالید رەشید، ئاوارە ستار، شێرکۆ نەسرەدین" و چەند هونەرمەندێکى دیکە وەکو ئەکتەر لە کارەکە بەشدارن.

فێستیڤاڵێكی شانۆیی لە هەولێر بەڕێوەدەچێ

مەسعودی مەلا هەمزە : بەڕێوەبەرایەتی هونەری شانۆی هەولێر ئاگاداری سەرجەم تیپ و گروپە شانۆیی و دەرهێنەرەكان دەكاتەوە كە بەنیازی فێستیڤاڵێكی شانۆیین و هەركەسێك ئارەزووی بەشداریكردنی هەیە دەتوانێ‌ پەیوەندی بە بەڕێوەبەرایەتی ناوبراو بكا.

ئەو رۆژەى بابانوئێل گریا میوانى هەمووتانە

مەسعودى مەلا هەمزە: وەکو دیارییەک بۆ بینەران و هەوادارانى فیلم و سینەماى کوردی، رەحیمى زەبیحى لە شەوانى رەمەزان فیلمەکانى خۆی دەکاتە دیارى بۆ بینەران و عاشقانى فیلم لە کوردستان.

خەرمان هیرانى لە ئیرۆتمى دەدوێ

بە داوەتێکى فەرمى رێکخراوى دۆستایەتى کوردستان- کۆریا خانمە شانۆکارى کورد "خەرمان هیرانى" هاوشان لەگەڵ پیانۆژەنێکى ئەڵمانى گەڕاوەتە کوردستان بۆ سازکردنى سیمینارێک دەربارەى هونەرى ئیرۆتمى لە رۆژی سێشەممە.

(خوێنی ڕۆژهەڵاتی) لە سلێمانی نمایش دەکرێت

لەدرێژەی 18 نمایشی شانۆیی کە بەڕێوەبەرایەتی هونەری شانۆ لە سلێمانی وەکو وەرزی شانۆیی نمایشی دەکات، بڕیاڕە ڕۆژانی 29-30/7/2010 لەسەر هۆڵی کۆمەڵەی هونەرە جوانەکان شانۆیی (خوێنی ڕۆژهەڵاتی) نمایش بکرێت.

شانۆى سالار بەچەند چالاکییەک رۆژى جیهانیى شانۆ پیرۆز دەکات

لەمیانەى بەخششە بەردەوامەکانى تیپى شانۆى سالارء (گۆڤارى شانۆ) بە بۆنەى رۆژى جیهانیى شانۆوە رۆژى  (27ى مارسى2010) دەستپێکى یادکردنەوەى ئەم بۆنەیە لە شارى سلێمانى بە چەند دیارییەکى ناوازە بەهادار دەکات.

بۆچی شانۆگەری "دارستان و یاساکەی" ئەم ساڵ لەشاری هەولێر نمایش نەکرا؟؟!!

تیپی هونەری "رەنگاڵە" یەکێکە لەو تیپە چالاک و بەرچاوانەی شاری سلێمانی، ئەو تیپە هونەرییە ساڵانە بەرهەمێکی شانۆیی و چەند بەرهەمێکی درامی تەلفزیۆنی پێش کەشی جەماوەری هونەری دەکەن.

نمایشی شا هەر شایە کۆتایی هات

لەماوەى چوار رۆژ و لە چوار رۆژی هۆڵی پڕ لە بینەردا شانۆگەرى شاهەر شایە نمایشکراو ئێوارەى رۆژی 14/3 دوایین رۆژی نمایشی ئەو شانۆگەرییە بوو.
شانۆگەرى "شا هەر شایە" لە نووسینى سەعدوڵڵا وەنووس و وەرگێڕانى عەبدوڵڵا قادر گۆران و ئامادەکردن و دەرهێنانى هیوا سوعاد یونس، لە کاتژمێر 8،30 شەوانى 11و12و13و14/3/2010 نمایشکرا.

روونکردنەوە سەبارەت بە سەرچاوەى خەرجییەکانى شانۆگەرى (سێوەکەى خۆم)

دواى کۆبوونەوەى دەستەى کارگێڕى گروپ لە مانگى ئازارى ئەمساڵ و دواى ئەنجام نەدانى (پرۆژەى شار و شانۆ)، بە کۆى دەنگ و بە بڕیارى راستەوخۆى (کارۆخ ئیبراهیم)ى سەرۆکى (گروپى گەنج بۆ شانۆ)، بڕى (12000000) دوازدە ملیۆن دینار لە بودجەى ساڵانەى گروپ تەرخان کرا "بە مەرجێک لە ماوەى 1/1/2010 تا 30/6/2010 پارەى شەش مانگ کۆبکرێتەوە و بخرێتە خزمەتى شانۆگەرى سێوەکەى خۆم".


بەڵام دواى چەندین گۆڕانکارى لە کۆى گشتى کارە هونەرییەکان و هەوڵدان بۆ ئەنجامدانى کارەکە بە شێوەیەکى جوانتر، لەسەر داواى (کارۆخ ئیبراهیم) وەکو سەرۆکى گروپ و دەرهێنەرى شانۆگەرى (سێوەکەى خۆم)، بریاردرا (4000000) چوار ملیۆن دیناریتر لەسەر بودجەى گروپ تەرخان بکرێت بۆ کارەکە، چونکە "چەندین کەرستەى تر پێویست بوون بۆ دیکۆر و تەواوکارى شانۆگەرییەکە". بۆیە حاڵى حازر کارەکە باشتر لەوەى پێشبینى دەکرا ئەنجام دەدرێت. ئەوەى پێویستە لێرە ئاماژەى پێبکەم ئەوەیە، کە ستافى کار بە دەرهێنەر و یاریدەدەرانى و ئەکتەر و ستافى دیکۆر، بە هونەرمەندە شێوەکار و پەیکەرسازەکان و کادیرە هونەرییەکانى بوارى رووناکى و جێبەجێکردنى دەنگ لە کاتى نمایش و ستافى راگەیاندن بە هەموو یەکەکانى وەکو سەرپەرشتیارى راگەیاندن و دیزاینەر و مۆنتێر و وێنەگرەکان خۆبەخشانە و بێ بەرامبەر کارەکە ئەنجام دەدەن. جگە لە موزیکژەنەکان کە لە بەرامبەر پاداشت کارى خۆیان ئەنجامداوە لە ستۆدیۆى سۆڵۆ.
وەکو ئامادەکارییەکان کە ئێمە بۆمان کردووە، کاتژمێر06:00ى ئێوارە لە (هۆڵى گەل)ى شارى هەولێر لە رێکەوتى 27/7/2010 رۆژى سێشەممە، یەکەم رۆژى نمایشى شانۆگەرى (سێوەکەى خۆم) دەبێت.

ئاشتیڤان سەلام کۆیى
ب.گشتى کارگێڕى و دارایى
شانۆگەرى (سێوەکەى خۆم)
24/7/2010

ئەمیر تەها دەیەوێ دەمانچەکە لەبیرکا

هونەرمەندنى دەرهێنەر ئەمیر تەها لەدوایین کارى خۆیدا کۆتایی هێنا بەکارى وێنەگرتنى کورتە فیلمى "دەمانچەکە لەبیرکە" لە سیناریۆی موحسین محەمەد و دەرهێنانى خۆی.

 

روونکردنەوە سەبارەت بە سەرچاوەى خەرجییەکانى شانۆگەرى (سێوەکەى خۆم)

دواى کۆبوونەوەى دەستەى کارگێڕى گروپ لە مانگى ئازارى ئەمساڵ و دواى ئەنجام نەدانى (پرۆژەى شار و شانۆ)، بە کۆى دەنگ و بە بڕیارى راستەوخۆى (کارۆخ ئیبراهیم)ى سەرۆکى (گروپى گەنج بۆ شانۆ)، بڕى (12000000) دوازدە ملیۆن دینار لە بودجەى ساڵانەى گروپ تەرخان کرا

رۆژنامەى (Dagensnyheter) هەواڵی سەرکەوتنی شانۆگەریی (پاسەوان)ـی بڵاو کردەوە

دوای ئەوەی تیپی شانۆی (سالار) لەسەرەتای ئەم مانگەدا بەرەو وڵاتی سوێد بەڕیکەوتن، لە سەرەتای ئەم هەفتەیەدا دوو نمایشی یەکەمیان بە ئەنجام گەیاند. لەمبارەیەوە هونەرمەندی دەرهێنەر (ئەرسەلان دەروێش) لە لێدوانێکی دا راگەیاند :

شەوێکى تر لە هەولێر

مەسعودى مەلا هەمزە: لەسەر داوەتى فەرمى و بانگهێشتى بەڕێوەبەرایەتى هونەرى شانۆی هەولێر- بەڕێوەبەرایەتى گشتى رۆشنبیری و هونەر بەشی شانۆی بنکەى هونەر و کلتوورى کوردستان لە بەریتانیا شانۆگەرى شەوێک لەوێ لە شارى هەولێر نمایش دەکەن. بڕیارە ئەم شانۆگەرییە کاتژمێر 6ى ئێوارەى رۆژی دووشەممە 26/7/2010 لەهۆڵی میدیاى شارى هەولێر نمایش بکرێ.

خەرمان هیرانى و هێرۆ سەباح لە شانۆی هامبۆرگى ئەڵمانیا

هەردوو خانمە شانۆکارى کوردى نیشتەجێی وڵاتى سوید "خەرمان هیرانى و هێرۆ سەباح" لە وڵاتى ئەڵمانیا و لە شارى هامبۆرگ وەکو ئەکتەر و ئیرۆتمیست بەشدارییان کرد لە نمایشێکى ئیرۆتمى کە لە رۆژانى 22 تا 24/1/2010 لەهۆڵی شانۆی مێرزسێتەر نمایش کرد.