CHRA.TV

Voorbeeld-HTML-pagina

ئامادەبووانى ئێستا 144 میوان

(ماڵ و كلیل)ی شوان عەتوف هەفتەی فیلمی كوردی لە لایبزیگ دەكاتەوە

مەنسوور جیهانی ـ به کورتە فیلمی (ماڵ و كلیل) لە نووسین و ده‌رهێنانی (شوان عەتوف) سێیەمین خولی هەفتەی فیلمی كوردی "لایبزیگ" له وڵاتی ئەڵمانیا ده‌کرێته‌وه.

سێیەمین خولی هەفتەی فیلمی كوردی "لایبزیگ" Leipzig لە رۆژانی 30ی نۆڤه‌مبه‌ر تا 2ی دیسه‌مبه‌ری 2017 له شاری لایبزیگ له وڵاتی ئەڵمانیا به‌ڕێوه‌ده‌چێت و وابڕیارە ئه‌م رووداوه هونه‌رییه به کورتە فیلمی (ماڵ و كلیل) لە نووسین و ده‌رهێنانی سینەما كاری كورد (شوان عەتوف)"شوان عەتوف" بکرێته‌وه.

هەفتەی فیلمی كوردی "لایبزیگ" لە لایەن ناوەندی كلتوری و فەرهەنگی هەرێمی ساكسۆنیا و سینەدینگه‌وه پشتگیری دەكرێت و كورتە فیلمی (ماڵ و كلیل) دەبێتە فیلمی دەستپێكی هەفتەكە كە بە گرنگییەكی زۆرەوە رێكخەرانی ئەم هەفتەیە تەماشایان كردووە و وەكوو فیلمێك كە لە ماوەی 15 خولەكدا مێژووی نەتەوەیەك تێدەگەیه‌نێت.

(ماڵ و كلیل) ساڵی پار، بەشدارییەکی سەرکەوتووانەی لە فیستیڤاڵە نێودەوڵەتییەکانی فیلمدا ھەبوو و توانی ١٣ خەڵاتی جیھانی بەدەستبێنێت.

بەڕێوەبەرایەتی ڕاگەیاندنی گشتیی کورتە فیلمی "ماڵ و کلیل".