CHRA.TV

Voorbeeld-HTML-pagina

ئامادەبووانى ئێستا 39 میوان

بۆ منداڵان

عەلی حەمەڕەشید بەرزنجی
ھۆنـــراوەیەکتان بۆ دەڵێم
وەک خۆتان ناسک و جوان بێ
بتانکات بە ھاوڕێی خەندە و
خەیاڵتان پێی فـــراوان بێ
@@@
لەناخەوە خۆزگە خـــوازبن
بیڵێنەوە بە گـــــــۆرانی
بتانخاتە دەریای خـــۆشی
مەلە بکەن بە ئاســـــانی
@@@
وشەکـــانی وەک فــڕۆکە
بۆ ئاسمانی خەیاڵ بڕوات
لەگەڵ دنیای حـەزەکانتان
ھەوری سپی تێر ماچ بکات
@@@
تا بارانی ئەوین و ســـۆز
بەڕوخسارتانەوە دیـاربێ
ئەوەندە ئاسودە و شاد بن
ھیواکـانتان پرشنگداربێ
@@@
بۆ بنیاتنانی کۆمـــەڵگە
ئێوە ھـــەمیشە بنچینەن
ھیوای دواڕۆژی ئەم گەلەن
لەداھاتوودا گــەنجینەن
@@@
٣١/١٢/٢٠١٦