CHRA.TV

Voorbeeld-HTML-pagina

ئامادەبووانى ئێستا 51 میوان

هۆنراوە

بۆ:- هەڵۆکەی گەرمیان

بەسەر باڵی، هەور و هەڵۆدا

بە نامەیەك
وەڵامی، بروسکەکەی
ئەم بەهارەت بۆ دەنێرم
کە، پرسیبووت :-
( ئەرێ
دڵ و قودسی کوردستان

ئازادە؟
یا، لەژێر چەپۆکی
برای عەرەبی چاوڕەشدا
دەناڵێنێ؟! )*
ئاسودەبە
ئاواتی تۆو..
شەهیدانی وڵاتەکەت هاتۆتەدی
چیدی ئیتر، کەرکوکەکەت
کۆترێکی تەریو نییە..
گەڕایەوە هێلانەی خۆی
گەر .. خاوەنماڵ
فریونەخوات تەرەی بکات
جارێکیتر، بارێکیتر.

*بروسکەیەکە لە هۆنراوەی ( ٢١ بروسکە بۆ نەورۆزی ئەم بەهارە) ی شاعیر. لە مانگی سێی (٢٠١٤ ) دا لەگەڵ سوپاس و پێزانیندا لەم سایتەدا بڵاوکراوەتەوە.

فەتاح حەسەن
دانیمارك/ ڤالبی