CHRA.TV

Voorbeeld-HTML-pagina

ئامادەبووانى ئێستا 24 میوان

هۆنراوە

من و ساقی

کە، بەتەنها پێك فڕدەکەم

پێکەکەم
دەدەم لە قاپەکەم ..
تا هەست بەبوونی خۆم بکەم.
.
بەملی وردم، دوێنێ دڵی ساقیم شکاند
پێکی بۆتێکردم و من رشتم
ئای لە من، چەند بەدڕەفتار و بەد ئەفکارم؟!
.
هەر ، رەز نەسوتێ
چش لە گۆزە، دەبا بشکێ
خاك و خۆڵ زۆرە .. بیکەن بە گۆزە
ئەگەر، رەز سوتا، گۆزە بە من چی ؟!
.
تا گۆزە ماوە - و رەز نەسوتاوە
( مەی ) م بۆتێکە ساقی لەلاوە.
.
ژەمبوردە بوم و مەی بەشم ناکا
باڵاگەردانی ساقی بم
کە، بەخشندەیە و بێ بەشم ناکا.
.
پاداشتی من، لەوە زیاتر
لەبۆ ساقی، دەبێ چی بێ؟!
نەوی سەرم
ئەو ساتانەی .. بێ ( مەی ) م ناکا.

فەتاح حەسەن
دانیمارك / ڤالبی