CHRA.TV

Voorbeeld-HTML-pagina

ئامادەبووانى ئێستا 120 میوان

هۆنراوە

کۆپلەیەک لە قەسیدەی ڕوداوەکان یەک ئەخۆن

لەشیعری لەتیف عومەر.

گەر وا نەکەین هاوڕێ
کپ بوون سەرمان ئەخوا
خۆمان و چاوەڕوانیمان
دەبین بەژێر تۆزی هاوین و
گەڵای پایز دامان ئەپۆشێ
بەفری زستان ،بە باو بۆرانەوە
هەڵمان ئەگرێ
یا ڕەق دەبینەوە
دوا جار بەهار دادمان نایات
مێژوومان دوا خست
ڕووداوەکان ون ئەکەین
بیر کردنەوە پەک ئەکەوێ
دەبینە بوونەوەرێک
دوور لەگومان ڕوتوقووت
لەپرسیار
هاوارەکان بەزیندوێتی
زینە بەچاڵ ئەکرێن
نایان گەینێ
نغرۆ دەبن لە خاک
پەلی ساوایەکمان
پێ ناگیرێ ... .
ـــــــــــــــــــ لەتیف عومەر