CHRA.TV

Voorbeeld-HTML-pagina

ئامادەبووانى ئێستا 158 میوان

هۆنراوە

کاتێک

كاتێك بارزان

كێشی سووری

لەزامی چیا دەبەست و

گەرمیان رێرەوی مێشوولەی

هەڵدەپاچی

خۆرئاوا خۆری

لەبەژنی سەحرا دەبەست

خۆرهەڵات دەبووە سایەی

مێرگەكان و

سەگی هۆڕی پێ دەناسین

شا بۆ قوربانی جەژنەكان

لەڕێی چاوڕەشەكانی خواروو

بەقەد لقی دارخورماوە

هەڵی واسین

نازانم گەر بیرتان مابێت

سنوور تەلبەندی كەناری و

كۆتری خۆزگەی كوێستان بوو

نانی دەمی كۆرپەكانمان

گلێنەی برژاوی شێخ سەعیدو

قازی نەمری لەبان بوو

لەتەنها وەرزێكی سوورا

ئەوەبوو كۆرپەی مەهاباد

چاوی ئازادی هەڵهێنا

ئبتر كێچ كەوتە كاوڵی فارس و

دەرپێی كوناوی ئابڕوویان

لەپێی ئافرەتی عەرەب كرد

ویستیان كوڵوانەی گردەمەند

پڕ لەژاری ستەم بكەن

سەری لوتكەیان داپاچی

ئامێزی چیایان هەڵكۆڵی

هەڵەبجەیان

لەبۆنی سێوا غەرق كردو

باشوریان بردە باكوورو

گارەیان هێنا بۆ زۆنكاو

دوكان خوناوی دەنۆشی و

سیروان بۆ قومێك با خنكا

سەربەستیان لەبار برد

ستار ئه‌حمه‌د ..... پارچه‌یه‌ك له‌رۆمانه‌ شیعری ( پارچه‌كانم كۆكه‌نه‌وه‌ )