CHRA.TV

Voorbeeld-HTML-pagina

ئامادەبووانى ئێستا 128 میوان

هۆنراوە

قه‌ڵه‌م

مه‌ره‌كه‌بێكی رژاوی

هه‌موو رۆژێ‌
قه‌ڵه‌مه‌كه‌م
تینوێتی خۆی پێت ده‌شكێنێ‌
كه‌دێت شیعرێك ئاڵ بنووسێ‌
یه‌كانگیری باڵات ده‌بێ‌
چی ده‌ربڕێ‌ چی نه‌خشكا
له‌تۆ ده‌چێ‌
.......................
په‌ڕه‌ نه‌ما
به‌لێوی ئه‌م قه‌ڵه‌مه‌ی من ئاشنا نه‌بێ‌
چه‌ندین شیعر له‌ناخیدا
بوونه‌ سوتماك هاتنه‌ ده‌رێ‌
هه‌تا ئیستا نه‌یتوانیوه‌
په‌ی به‌جوانی و
رازو مه‌به‌ستی تۆ به‌رێ‌
...................................
زۆر گۆرانی له‌ جگه‌ریا توانه‌وه‌
گه‌لێك داستان
له‌هزریدا تۆماركران
له‌گه‌ڵ ساتا سرانه‌وه‌
...............................
نه‌یانتوانی باسی ئه‌وینمت بۆ بكه‌ن
زاتی نه‌كرد به‌وشه‌یه‌ك
ناوت به‌رێ‌
..................
كاتێك ده‌نووم
له‌ته‌نیشتم پاڵی ده‌خه‌م
له‌شه‌وانه‌ زۆر وه‌ڕسه‌
تیله‌ی دیده‌ی خه‌و نابینێ‌
هه‌تا ده‌گاته‌ ده‌مبه‌یان وڕك ده‌گرێ‌
.............................
به‌رۆژ له‌به‌ركمی ده‌خزێنم
كه‌ده‌ستی بۆ درێژ ده‌كه‌م
له‌شوێنی خۆیا نایبینم
.............................
هه‌میشه‌ به‌دوایدا وێڵم
ئه‌ویش سۆراخی تۆ ده‌كا
.......................
قه‌ڵه‌مه‌كه‌م
له‌خۆم زیاتر شه‌یدات بووه‌
چی بنووسێ‌
چی نه‌خشكا
........................
كت و مت هه‌ر له‌ تۆ ده‌كا

ستار ئه‌حمه‌د