CHRA.TV

Voorbeeld-HTML-pagina

ئامادەبووانى ئێستا 63 میوان

ئاگاداری و ڕاگه‌یاندن

ده‌سته‌ی نوێی کۆمه‌ڵه‌ی خوێندکاران و لاوانی کوردستان له‌ هۆڵه‌ندا پلانی کاروچالاکیه‌کانی ئاینده‌ی خۆیان گه‌ڵاڵه‌کرد

ڕۆژی یه‌کشه‌ممه‌ ڕێکه‌وتی08-06-2014له‌ بیرۆی کۆمیته‌ی ڕێکخستنی (ی.ن.ک)، له‌ لاهای پاش هه‌ڵبژاردنی ده‌سته‌ی نوێ بۆ به‌ڕێوه‌بردن و سه‌رپه‌رشتی کۆمه‌ڵه‌ی خوێندکاران و لاوانی کوردستان له‌ هۆڵه‌ندا، بۆ هه‌مئاهه‌نگی کاروچالاکیه‌کان و داڕشتنی نه‌خشه‌ڕێگای پلانی

ئاینده‌، یه‌که‌م کۆبوونه‌وه‌ی خۆیان له‌گه‌ڵ هه‌ڤاڵان سه‌ید عه‌لی به‌رپرسى کۆمیته‌ی ڕێکخستنی هۆڵه‌ندا و  سه‌ردار فه‌تاح ئه‌مین، لێپرسراوی ڕێکخراوه‌ دیموکراتیه‌کانی هۆڵاندا ئه‌نجامدا، به‌ ئاماده‌بوونی هه‌ر یه‌ک له‌ هه‌ڤاڵان:

1-    زوهره‌ محه‌مه‌د عه‌لی.

2-    دانا قادر.

3-    ئارام عوسمان.

له‌ میانی کۆبوونه‌وه‌که‌دا هه‌ریه‌ک له‌  به‌رپرسى کۆمیته‌ی ڕێکخستنی (ی.ن.ک)ی هۆڵه‌ندا و  لێپرسراوی ڕێکخراوه‌ دیموکراتیه‌کانی هۆڵه‌ندا، جه‌ختیان له‌ پشتگیری هاوکاری بێ قه‌ید و شه‌رتی ئۆرگانه‌کانی (یه‌کێتیی) کرده‌وه‌ بۆ ئه‌م کۆمه‌ڵه‌یه، که‌ چۆن له‌ ڕابردوودا هه‌میشه‌ ڕۆڵی خوێندکاران و لاوانی کوردستان، له‌ شۆڕشی ڕزگاریخوازی گه‌له‌که‌ماندا پێشه‌نگ بووه، ئه‌مڕۆش له‌ تاراوگه‌، ئه‌م گرووپه‌ بۆ گه‌له‌که‌مان جێگه‌ی هیوا و نه‌خشه‌داڕێژه‌ری ئاینده‌مانن.

پاشان هه‌ڤاڵانی ده‌سته‌ی نوێ هه‌ریه‌که‌یان، پلان و نه‌خشه‌ ڕێگه‌ی کاروچالاکیه‌کانی ئاینده‌ی کۆمه‌ڵه‌ی خوێندکاران و لاوانی کوردستانیان له‌ هۆڵه‌ندا خسته‌ڕوو، به‌ڵێنیان دا ئه‌م ده‌سته‌یه‌ پێکه‌وه‌،  به‌ هاوکاری هه‌ڤاڵه‌کانی دیکه‌یان، له‌ ده‌ره‌وه‌ی ده‌سته‌که‌ش، هه‌میشه‌ کاره‌کان دابه‌ش بکه‌ن و  گه‌وپ و تیمی ده‌سته‌ جه‌معی بۆ چالاکیه‌کان دروست بکه‌ن، هه‌ریه‌که‌شیان له‌ ئاستی خۆیدا به‌رپرسیاریه‌تیه‌کی دڵسۆزانه‌، بگرێته‌ ئه‌ستۆ، تا بتوانن له‌ ئاینده‌یه‌کی نزیکدا، نێتۆرکێکی به‌هێز له‌ ناو خوێندکاران و لاوانی هۆڵه‌نده‌دا دروست بکه‌ن.

ته‌وه‌وه‌ری گرنگی پێدانی کۆمه‌ڵه‌که‌ له‌ کاری ئاینده‌دا، به‌م شێوازه‌ ده‌ستنیشانکرا:

* گرنگی دان و نزیک بوونه‌وه‌، له‌ خوێندکاره‌ کورده‌کانی زانکۆ و په‌یمانگاکانی هۆڵه‌ندا.

* گرنگیدان به‌ سه‌ردان و گه‌شتی زانستی، خۆپه‌روه‌رده‌کردن، به‌ هۆی مه‌شق و ڕاهێنانی ڕۆشنبیری و زانیاری به‌خشین.

* گرنگی دان و خۆ نزیکردنه‌وه‌ و هاوکاری و یارمه‌تیدانی ئه‌و تیپ و گروپه‌ وه‌رزشیانه‌ی له‌ لایه‌ن لاوانی کورده‌وه‌ * دروستکراون و سه‌رپه‌رشتی ده‌کرێن.

* تۆمارکردن و دروستکردنی ئامارێکی خوێندکاران و لاوانی کورد له‌ هۆڵه‌ندا.

* کۆنتاکتکردن به‌ ڕێکخراوه‌کانی خوێندکاران و لاوانی سوشیالدیموکراتی هۆڵه‌ندی و بێگانه‌کانی نیشته‌جێی هۆڵه‌ندا.

شایانی باسه‌ هه‌ر له‌م کۆبوونه‌وه‌یه‌دا ده‌سته‌ی نوێ بڕیاریاندا، بۆ شه‌ممه‌ی ئاینده‌، ڕێکه‌وتی 14-06-2014 له‌ شاری لاهای، به‌ هاوبه‌شی له‌گه‌ڵ رێکخراوی چاودێری کوردۆساید (چاک) چالاکیه‌کی ڕۆشنبیری و زانیاری به‌خشین ڕێکبخه‌ن، بەناونیشانی (سەلەفیەتی ئیسلامی و پێوەندیەکانی لەگەڵ بزووتنەوە جیهادیەکان)، بۆ بەڕێز فەرید ئایەت لیحەسەن (فرید آیات لحسن)، بەڕێوەبەری دامەزراوەی رایەڵەی هۆڵەندی بۆ دەوڵەتی یاساو هاوڵاتیبوون.