CHRA.TV

Voorbeeld-HTML-pagina

ئامادەبووانى ئێستا 42 میوان

ڤایرۆسێک کە وشەی تێپەڕبوون و زانیاریی ئینتەرنێ بانکەکەت دەدزێ

بەم جۆرە دزە ئینتەرنێتیەکان هەڵتدەخڵەتێنن بۆ ئەوەی وشەی پێپەڕبوون و زانیارییەکانی چوونە ژوورەوەی ژمارە بانکەکەت دەدزن.
هەر ئێستا بانکەکانی نوردیا و سوێبانک مشتەرییەکانیان لە قٶڵبڕینی ئینتەرنێتی ئاگادار کردووەتەوە. ئەو قۆڵبڕانە لە رێگای ئینتەرنێتەوە خەڵکی بەو جۆرە هەڵخڵەتاون کە زانیاریی تێپەڕبوونیان بەوان بدەن.
هەنریک ئەنسترۆم ( Henrik Edström ) بەرپرسی راگەیاندنی مێدیاکان لە نوردبانکن دەڵێ: " پەنجەرەیەکی چووکە دەکرێتەوە کە داوات لێ دەکا جارێکیتر زانیارییەکانی تێپەڕبوونت بنووسیتەوە. بەڵام ئەمە ڤاریرۆسێکە کە کومپیۆتەری بەکارهێنەرانی تووش کردووە."
بە پێی قسەکانی ناوبراو، کەمتر لە سەد کەس تووشی ئەم بارودۆخە هاتوون، حەوتووی رابردوو دوای ئەوە کە بەم ڤایرۆسەیان زانیەوە، خێرا ئاگادارییان لەسەر ماڵپەڕەکەیان بڵاو کراوەتەوە.
ئەو لە درێژەی وتەکانیدا دەڵێ ئەوەی کە ئێمە دەبێ بیکەین، ئەوەیە کە لە زووترین کاتدا زانیاری بدەین بە مشتەرییەکانمان. ئەگەریش تووش هاتوون، ئەوا دەبێ کومپیۆتەرەکانیان خاوێن بکەنەوە.
هەروەها سپاربانکیش پێشتر ئاگادارییەکی لەم چەشنەی لەسەر ماڵپەڕەکەی خۆیان بڵاو کردبووەوە کە لەوێدا هاتبوو کە چەند مشتەرییان تووشی ئە گرفتە بوون.

سەرچاوە: کورد ئای تی گروپ