پاڵەوانی کیا لە کوردستانەوە بەرەو بەڕازیل

دوای ئەوەی تیپی ھەندرێن لە شاری ھەولێر نازناوی پاڵەوانێتیی کیا جامی کیشوەرەکانی ٢٠١٣ ی لە یاریی فوتساڵ بەدەست ھێنا، دوای ئەوەی لە یارییەکی بەھێزدا توانی بە ئەنجامی ٥-٤ لە تیپی دێرینی شاری سلێمانی بباتەوە لەو پاڵەوانێتییەی کە کۆمپانیای نیم تاکە بریکاری کیا مۆتۆرز لە ھەرێمی کوردستان سەرپەرشتیی کرد بە ھاوکاریی یەکێتیی تۆپی پێی کوردستان و بە بەشداریکردنی ٣٨٤ یاریزان لە ٤٠ تیپی میللی، رۆژی یەکشەممە ٢٣ ی تەممووز خاوەنی پلەی یەکەم بەرەو وڵاتی بەڕازیل بەڕێ دەکەوێ بۆ بەشداریکردن لە کۆتاییەکانی پاڵەوانێتیی کیا جامی کیشوەرەکان لە یاریی فوتساڵ بە ناوی ھەرێمی کوردستان شانبەشانی تیپەکانی وڵاتانی: بەڕازیل، باشووری ئەفریکا، ئەردەن، کۆلۆمبیا، چیلی، پیرۆ، ئەرژەنتین، فەڕەنسا.