سەرەتا / سپۆرت / موای تــــــای گەیشتە کوردستان

موای تــــــای گەیشتە کوردستان

دیــــدار نانەکەلی:
موای تای وەکو یەکێک لەھونەرەجەنگیەکانی جیھان لەسەدەی ١٦ و لە ووڵاتی تایلەند سەریھەڵداوە, یاریەکە لە چوارچێوەی ھونەری بەرگری قۆناغی مەزنی تێپەڕاندوە و ئەمڕۆ لەسەرانسەری جیھان ئەزمونی لەسەر بنیات دەنرێت.
پسپۆرانی مەشق و راھێنانی موای تای رێچکە و رێڕەویان رووەو ووڵاتی تایلەندە. کە سەرچاوەی دروست بوون و گەشەسەندنی بەرفراوانی یاریەکەیە. ھونەری بەرزی ئەو یاریە بەدرێژایی مێژوو بە بەمەبەستی بەرگری و پاراستنی نیشتیمان بەکارھاتووە بۆیەش خراوەتە چارچێوەی لێژنەی ئۆلۆمپی جیھانی و بەسەدان ووڵات تێدا ئەندامن.
ئێستا لە ھەر ووڵاتێک کۆمەڵە و رێکخراو و یەکێتی تایبەت بە موای تای ھەیە و پشتگیری یەکێتی نێودەوڵەتی یاریکەی لەگەڵدایە. پێگە و بنکەی مەشقی تایبەتی ھەیە و چاڵاکی و پاڵەوانیەتی ناوەخۆیی و نێودەوڵەتی بۆ ئەنجام دەدرێت و لەسەر دەستی پسپۆرانی بوارەکە یاسا و رێنمایی بۆ دەردەکرێت.
لە پەراوێزی ئەندامبونی عێراق لە یەکێتی نێودەوڵەتی یاریەکەو بوونی یەکێتی ناوەندی وەرزشی موای تای کەسەر بەلێژنەی ئۆلۆمپی عیراقە و ساڵانە بەشداری چەندین چاڵاکی گەورە دەکەن لەسەر ئاستە جیاوازەکان،
ھەرێمی کوردستانیش ماوەی ساڵێکە بەھەوڵ و خەمخۆری ھەوادارانی موای تای بنکە و پێگەی مەشقیان کردۆتەوە و بەمەبەستی رێکخستنی چاڵاکیەکان و بەشداربونیان لە پاڵەوانیەتیەکان رێکخراوی وەرزشی موای تای لەسەر دەستی نەوزاد نوری ئەمین ی پسپۆر و شارەزا لەمەسق و راھێنان لەشاری ھەولێر دامەزراوە, یاریەکە رۆژبەرۆژ لەپەرەسەندندایە و ھەوادارێکی زۆری دروستکردوە ،وەکوسەرەتاش قۆناغێکی باشی بڕیوە و چەندین یاریزانی بۆ پاڵەوانیەتیەکان ئامادەکردووە
بەبوونی مەشقی سەردەمیانە و سوودوەرگرتن لە شارەزایی پسپۆرانی نێودەوڵەتی بەھۆی بانگھێشتکردن و میوانداریکردنیان لەلایەن رێکخراوەکەیانەوە چاوەڕوان دەکرێت پەرەسەندنی یاریەکە بەھۆی گڕوتینی ھەوادارانی لە ھەڵکشان دابێت، لە چوارچێوەی سەرھەڵدانێکی ناوەخۆیی بپەڕێتەوە بۆ دروستبوونی پاڵەوانی بەھێزی کورد لە چاڵاکیەنێودەوڵەتیەکان..

دەربارەی CHRA.TV

چراتێڤی.. پێگەیەکى هونەرى و رۆشنبیریى ئەلکترۆنی ئازادو سەربەخۆیە، رۆژانە لەپێناو پەرەپێدانى ئەم بزاوتە لەکوردەواریدا خۆى نوێدەکاتەوەو، با نووسەرانی کوردیش ڕەها بن لە هەربەربەست و سانسۆرێک کە ڕێگرن لە بەردەم تەقینەوەی بەهرەو داهێنانەکانیان. چراتێڤی..هەناسەو نەفەسى هەموو ئەو مرۆڤانەیە دەنگ بوون و دەنگ دەمێنن لەڕوداوە کۆمەڵایەتی و سیاسییەکانی جیهان و کوردستان. لێرەوە رایدەگەیەنین جگە لەو بابەت و بڵاوکراوانەى لۆگۆى چرایان بەسەرەوەیە چرا بەرپرس نییە لەناوەرۆکى بابەت و بڵاوکراوەکان.

هەروەها ببینە

سه‌یدسادق-یش په‌یامی‌ نارد ‌

ئاكۆ عارف له‌ ڕكابه‌رییه‌كانی‌ خولی‌ پله‌ دووی‌ تۆپی‌ پێی‌ یانه‌كانی‌ كوردستاندا، یانه‌ی‌ سه‌یدسادق مه‌سجێكی‌ جوان …

اترك تعليقاً