سەرەتا / جیهان / جیهان / وەزارەتی گواستنەوە راگەیەندراوێكی دەربارەی شەڕی ناو فڕۆكەكە بڵاوكردەوە

وەزارەتی گواستنەوە راگەیەندراوێكی دەربارەی شەڕی ناو فڕۆكەكە بڵاوكردەوە

وەزارەتی گواستنەوەی عێراق لێكۆڵینەوەی دەربارەی ئەو شەڕە دەستپێكرد كە بە ئاسمانەوە لەنێوان دوو فڕۆكەواندا روویدا و بەڵینیشیدا كە توندترین سزایان بدات.

وەزارەتەكە لە راگەیەندراوێكدا ئەوەیخستەڕوو كە لێكۆڵینەوەیان لەگەڵ ئەو دوو فڕۆكەوانە دەستپێكردووە كە لە ئاسماندا شەڕیان كردووە و روونیشیكردەوە كە پێش هەموو شتێك بڕیاردراوە كە بەهەمیشەیی لەكاری فڕۆكەوانی دووربخرێنەوە.

جەختیشیكردەوە كە هیچ هەلێك نابێت لەبەردەم دەربازبوونی ئەو فڕۆكەوانانە لە توندترین سزا.

هەرچەندە وەزارەتی گواستنەوەی دان بە شەڕی نێوان فڕۆكەوانەكانیدا دەنێت، بەڵام هێرشیش دەكاتە سەر ئەو سەرچاوانەی كە هەواڵەكەیان بڵاوكردۆتەوە و دەلێت: ئەجێندایەكی پیسیان هەبووە لە بڵاوكردنەوەی.

جێی ئاماژەیە ئەمڕۆ میدیاكانی عێراق بڵاویانكردەوە كە لە بەرزایی 37 هەزار پێ لە ئاسماندا، دوو فڕۆكەوانی هێڵی ئاسمانی عێراقییە لەنێو شوێنی فڕۆكەوانەكاندا بووە بەشەڕیان و خوێنیشی تێدا ڕژاوە.

ئەوەشیان خستەڕوو كە بەهۆی شەڕەكەوە زیان بە شوێنی فڕۆكەوانەكان گەیشتووە و خەریكبووە كە 160 سەرنشینی فڕۆكەكەش ببنە قوربانی.

ئامادەکردنی: بەهائەدین عەلی سولەیمان

دەربارەی CHRA.TV

چراتێڤی.. پێگەیەکى هونەرى و رۆشنبیریى ئەلکترۆنی ئازادو سەربەخۆیە، رۆژانە لەپێناو پەرەپێدانى ئەم بزاوتە لەکوردەواریدا خۆى نوێدەکاتەوەو، با نووسەرانی کوردیش ڕەها بن لە هەربەربەست و سانسۆرێک کە ڕێگرن لە بەردەم تەقینەوەی بەهرەو داهێنانەکانیان. چراتێڤی..هەناسەو نەفەسى هەموو ئەو مرۆڤانەیە دەنگ بوون و دەنگ دەمێنن لەڕوداوە کۆمەڵایەتی و سیاسییەکانی جیهان و کوردستان. لێرەوە رایدەگەیەنین جگە لەو بابەت و بڵاوکراوانەى لۆگۆى چرایان بەسەرەوەیە چرا بەرپرس نییە لەناوەرۆکى بابەت و بڵاوکراوەکان.

اترك تعليقاً